(ເພື່ອນມິດສາກົນໄດ້ມາໄວ້ອາໄລ ແລະ ບັນທຶກໃສ່ໃນປື້ມໄວ້ອາໄລບັນດາຄວາມຮູ້ສຶກຕໍ່ການຈາກໄປຢ່າງບໍ່ມີວັນກັບຄືນຂອງທ່ານອະດີດນາຍົກລັດຖະມົນຕີ ຟານວັນຂາຍ)

ເໝາະສົມກັບເງື່ອນໄຂປະເທດປະຈຳຖິ່ນ, ໃນລະຫວ່າງວັນທີ 20 – 21 ມີນາ, ຄະນະຜູ້ຕາງໜ້າຫວຽດນາມ ປະຈຳສະຫະປະຊາຊາດ ໄດ້ຈັດພິທີໄວ້ອາໄລ ແລະ ບັນທຶກໃສ່ໃນປື້ມໄວ້ອາໄລທີ່ສຳນັກງານຢູ່ນິວຢອກ, ປະເທດອາເມລິກາ. ຜູ້ຕາງໜ້າຄະນະຜູ້ແທນຂອງບັນດາປະເທດປະຈຳສະຫະປະຊາຊາດ, ເພື່ອນມິດອາເມລິກາ, ປະຊາຄົມຊາວຫວຽດນາມ ທີ່ອາໄສຢູ່ບໍລິເວນເປັນຈຳນວນຫຼວງຫຼາຍ ໄດ້ມາໄວ້ອາໄລ ແລະ ບັນທຶກໃສ່ໃນປື້ມໄວ້ອາໄລບັນດາຄວາມຮູ້ສຶກຕໍ່ການຈາກໄປຢ່າງບໍ່ມີວັນກັບຄືນຂອງທ່ານອະດີດນາຍົກລັດຖະມົນຕີ ຟານວັນຂາຍ.

ຄະນະຜູ້ຕາງໜ້າຫວຽດນາມ ປະຈຳສະຫະປະຊາຊາດ, ອົງການການຄ້າໂລກ ແລະ ບັນດາອົງການຈັດຕັ້ງສາກົນອື່ນຢູ່ເຊີແນວ ປະເທດສະວິດ ກໍ່ໄດ້ຈັດພິທີໄວ້ອາໄລເຖິງທ່ານອະດີດນາຍົກລັດຖະມົນຕີ ຟານວັນຂາຍ ໃນລະຫວ່າງວັນທີ 20 – 22 ມີນາ. ບັນດາຄະນະຜູ້ແທນ, ຜູ້ຕາງໜ້າປະຈຳສະຫະປະຊາຊາດຂອງ Etiopia, ສປປ.ເກົາຫຼີ, Kyrgyzstan… ໄດ້ເຂົ້າໄວ້ອາໄລ ແລະ ບັນທຶກໃສ່ໃນປື້ມໄວ້ອາໄລ.

ວັນທີ 20 ມີນາ, ທ່ານນາຍົກລັດຖະມົນຕີອານເຊຣີ Ahmed Ouyahia ໄດ້ນຳໜ້າຄະນະຜູ້ແທນບັນດາກະຊວງ, ຂະແໜງການອານເຊຣີ ເຂົ້າໄວ້ອາໄລ ແລະ ບັນທຶກໃສ່ໃນປື້ມໄວ້ອາໄລອາເພື່ອໄລຫາເຖິງທ່ານອະດີດນາຍົກລັດຖະມົນຕີ ຟານວັນຂາຍ. ທ່ານນາຍົກລັດຖະມົນຕີ Ahmed Ouyahia ໄດ້ສົ່ງຄຳແບ່ງເບົາຄວາມເສົ້າສະຫຼົດໃຈຢ່າງເລິກເຊິ່ງມາຍັງພັກ, ລັດ, ລັດຖະບານ ແລະ ປະຊາຊົນຫວຽດນາມ, ພ້ອມກັບຄອບຄົວຂອງທ່ານອະດີດນາຍົກລັດຖະມົນຕີ ຟານວັນຂາຍ. ທ່ານນາຍົກລັດຖະມົນຕີ Ahmed Ouyahia ໄດ້ເນັ້ນໜັກເຖິງການຈາກໄປຢ່າງບໍ່ມີວັນກັບຄືນຂອງທ່ານອະດີດນາຍົກລັດຖະມົນຕີ ຟານວັນຂາຍ ບໍ່ພຽງແຕ່ແມ່ນຄວາມໂສກເສົ້າສາຍດາຍໃຈຢ່າງສຸດຊື້ຶ້ງຕໍ່ປະຊາຊົນຫວຽດນາມ ເທົ່ານັ້ນ, ຫາກຍັງນັບທັງປະຊາຊົນອານເຊຣີ ອີກດ້ວຍ.

ແລະກໍ່ໃນວັນດຽວກັນຢູ່ປະເທດອິນເດຍ, ເຢຍລະມັນ, ຮົ່ງກົງ (ປະເທດຈີນ), ອົດສະຕາລີ, ອັງກິດ… ບັນດາອົງການຕາງໜ້າທຸຕານຸທູດຂອງຫວຽດນາມ ປະຈຳປະເທດດັ່ງກ່າວ ກໍ່ໄດ້ຈັດພິທີໄວ້ອາໄລ ແລະ ເປີດປື້ມໄວ້ອາໄລ ເພື່ອໃຫ້ເພື່ອນມິດສາກົນ ແລະ ປະຊາຄົມຊາວຫວຽດນາມ ເຂົ້າມາໄວ້ອາໄລເຊັ່ນດຽວກັນ.