ເຢຍລະມັນ ໃຫ້ຄຳໝັ້ນສັນຍາຊອກຫາມາດຕະການແກ້ໄຂສັນຕິພາບໃນແຫຼມ ເກົາຫຼີ
(VOVWORLD) - ບັນດາຄວາມວິຕົກກັງວົນກ່ຽວກັບວິກິດການໃນແຫຼມ ເກົາຫຼີ ພຽງແຕ່ອາດສາມາດແກ້ໄຂຜ່ານການເຈລະຈາເທົ່ານັ້ນ. ທ່ານນາງນາຍົກລັດຖະມົນຕີ ເຢຍລະມັນ Angela Merkel ຢືນຢັນຄືດັ່ງກ່າວ ເມື່ອຕອບສຳພາດຕໍ່ນັກຂ່າວໃນວັນທີ 16 ສິງຫາ,
 (ພາບປະກອບ) |
ທ່ານນາງ Merkel ຄັດຄ້ານຢ່າງແຮງກ່ຽວກັບການກະທຳທີ່ສະແດງໃຫ້ເຫັນກຳລັງແຮງດ້ານການທະຫານຂອງບັນດາຝ່າຍທີ່ກ່ຽວຂ້ອງ. ທ່ານນາງກໍ່ສະແດງການສະໜັບສະໜູນເລື່ອງການນຳ ອາເມລິກາ ແລະ ຈີນ ໂອ້ລົມທາງໂທລະສັບເພື່ອປຶກສາຫາລືກ່ຽວກັບສະພາບການຂອງ ສປປ.ເກົາຫຼີ. ຕາມການນຳ ເຢຍລະມັນ ແລ້ວ, ການແລກປ່ຽນລະຫວ່າງການນຳບັນດາປະເທດທີ່ກ່ຽວຂ້ອງ ແມ່ນມາດຕະການ ຊຶ່ງບັນດາຝ່າຍຄວນຍາດແຍ່ງ ເພື່ອຫລີກລ້ຽງ “ວິນາດສະກຳສົງຄາມ”. ທ່ານນາງນາຍົກລັດຖະມົນຕີ ເຢຍລະມັນ Angela Merkel ກໍ່ໃຫ້ຄຳໝັ້ນສັນຍາວ່າ ທ່ານຈະເຮັດທຸກສິ່ງທຸກຢ່າງໃນຄວາມສາມາດຂອງຕົນ ເພື່ອຊອກຫາມາດຕະການສັນຕິພາບໃນແຫຼມ ເກົາຫຼີ.