ເຢຍລະມັນ ໃຫ້ຄຳໝັ້ນສັນຍາສືບຕໍ່ໜູນຊ່ວຍ ຢູແກຼນ
ທ່ານນາຍົກລັດຖະມົນຕີຢູແກຼນ Arseni Yaseniuk ພົບປະກັບ
ທ່ານນາງນາຍົກລັດຖະມົນຕີເຢຍລະມັນ Angela Merkel
(ພາບ: AFP-TTXVN)
(vovworld) – ວັນທີ 08/01, ທ່ານນາຍົກລັດຖະມົນຕີຢູແກຼນ Arseni Yaseniuk ພວມຢູ່ຢ້ຽມຢາມເຢຍລະມັນ ໄດ້ມີການເຈລະຈາກັບທ່ານນາງນາຍົກລັດຖະມົນຕີເຢຍລະມັນ Angela Merkel ເພື່ອແນໃສ່ຮຽກຮ້ອງການໜູນຊ່ວຍຢ່າງໃຫຍ່ຫຼວງຂອງເຢຍລະມັນ ໃຫ້ແກ່ພາລະກິດກໍ່ສ້າງ ຢູແກຼນ ຕາເວັນອອກຄືນໃໝ່. ທີ່ການປຶກສາຫາລື, ທ່ານນາງນາຍົກລັດຖະມົນຕີ Merkel ໃຫ້ຮູ້ວ່າ, ເຢຍລະມັນ ໃຫ້ຄຳໝັ້ນສັນຍາຈະຜັນຂະຫຍາຍບ້ວງເງິນສິ້ນເຊື່ອຕື່ມອີກ 500 ລ້ານອີໂລໂດຍໄວ ເພື່ອຊ່ວຍຢູແກຼນ ກໍ່ສ້າງບັນດາເຂດຢູ່ທິດເວັນອອກ ຄືນໃໝ່. ທ່ານນາງນາຍົກລັດຖະມົນຕີ Merkel ກໍ່ຕີລາຄາສູງບັນດາຄວາມມານະພະຍາຍາມຂອງລັດຖະບານຢູແກຼນ ໃນວິກິດການປະຕິຮູບຂອງປະເທດນີ້, ໂດຍສະເພາະແມ່ນໃນຂົງເຂດເສດຖະກິດ, ການຄ້າ. ກ່ຽວກັບການປະທະກັນຢູ່ທິດຕາເວັນອອກ ຢູແກຼນ, ທ່ານນາງນາຍົກລັດຖະມົນຕີ Merkel ຖືວ່າ, 2 ຝ່າຍຕ້ອງປະຕິບັດຂໍ້ຕົກລົງ Minsk ທີ່ໄດ້ລົງນາມຢ່າງຂ້ຽວຂາດເພື່ອເປີດກາລະໂອກາດເຈລະຈາສັນຕິພາບກ່ຽວກັບອານາຄົດຂອງຢູແກຼນ.
ສ່ວນທ່ານນາຍົກລັດຖະມົນຕີຢູແກຼນ Yaseniuk ເນັ້ນໜັກວ່າ: ສະພາບການຢູ່ຢູແກຼນ ໄດ້ມີຜົນທະທ້ອນອັນສຳຄັນສຳລັບທົ່ວພາກພື້ນເອີລົບ, ສະນັ້ນຝ່າຍຕາເວັນຕົກ, ໃນນັ້ນມີເຢຍລະມັນ ຕ້ອງສາມັກຄີ ແລະ ໜູນຊ່ວຍຢູແກຼນ ຫຼາຍກວ່າອີກ.