ພ້ອມທັງຮຽກຮ້ອງໃຫ້ສະຫະປະຊາຊາດ ເປັນເອກະພາບນຳກັນຍົກອອກບັນດາມາດຕະການລົງໂທດທີ່ເຂັ້ມງວດຕໍ່ພຽງຢາງ ໂດຍໄວ. ໃນຖະແຫຼງການໜຶ່ງ, ໂຄສົກລັດຖະບານເຢຍລະມັນ ທ່ານ Steffen Seibert ໃຫ້ຮູ້ວ່າ, ໃນການໂອ້ລົມທາງໂທລະສັບລະຫວ່າງທ່ານນາງນາຍົກລັດຖະມົນຕີ Angela Merkel ແລະ ທ່ານປະທານາທິບໍດີ Donald Trump, ການນຳ 2 ປະເທດລ້ວນແຕ່ໃຫ້ຂໍ້ສັງເກດວ່າ, ສປປ.ເກົາຫຼີ ໄດ້ເຮັດໃຫ້ສະພາບການປີນຂັ້ນໄດດ້ວຍເລື່ອງທົດລອງລະເບີດ H – Bomb ແລະ ນີ້ແມ່ນການກະທຳທີ່ບໍ່ອາດຍ້ອນຮັບໄດ້ ແລະ ກໍ່ທີ່ການໂອ້ລົມທາງໂທລະສັບ, ທ່ານນາງນາຍົກລັດຖະມົນຕີ Angela Merkel ໃຫ້ຮູ້ວ່າ, Berlin ຈະຊອກຫາວິທີເພື່ອຍູ້ແຮງບັນດາມາດຕະການລົງໂທດຕໍ່ສປປ.ເກົາຫຼີ ຜ່ານສະຫະພາບເອີລົບ. ສິ່ງດັ່ງກ່າວແມ່ນເພື່ອແນໃສ່ສະກັດກັ້ນເລື່ອງສປປ.ເກົາຫຼີ ລະເມີດກົດໝາຍສາກົນ ກໍຄືກ້າວໄປເຖິງມາດຕະການແກ້ໄຂສັນຕິພາບສຳລັບບັນຫານິວເຄຼຍຂອງສປປ.ເກົາຫຼີ.