ຕອນບ່າຍວັນທີ 16 ມິຖຸນາ ທີ່ສູນກະຈາຍສຽງແຫ່ງຊາດ, ວິທະຍຸກະຈ່າຍສຽງ ຫວຽດນາມ, ທ່ານ ຮ່ວາງຈູງຫາຍ ເລຂາຄະນະພັກນະຄອນ ຮ່າໂນ້ຍ ໄດ້ລົງຢ້ຽມຢາມ, ອວຍພອນພະນັກງານ, ນັກຂ່າວ, ບັນນາທິການ, ນັກເຕັກນິກ ແລະ ຄົນງານທີ່ເຮັດວຽກຢູ່ ວິທະຍຸກະຈາຍສຽງ ຫວຽດນາມ. ນະທີ່ນີ້, ທ່ານ ຫງວຽນເທ໋ກີ, ຜູ້ອຳນວຍການໃຫຍ່ວິທະຍຸກະຈາຍສຽງ ຫວຽດນາມ ເນັ້ນໜັກວ່າ: ວິທະຍຸກະຈາຍສຽງ ຫວຽດນາມ ພວມພັດທະນານກາຍເປັນສູນສື່ມວນຊົນປະສົມທີ່ໝັ້ນຄົງເຂັ້ມແຂງໃນທົ່ວປະເທດ. ດ້ວຍຈິດໃຈ ແລະ ຄວາມຮັບຜິດຊອບຂອງຕົນ, ວິທະຍຸກະຈາຍສຽງ ຫວຽດນາມ ຈະຮຽງບ່າຮຽງໄລ່ພ້ອມກັບນະຄອນໃນທຸກຂົງເຂດ, ກໍ່ສ້າງນະຄອນຫລວງໃຫ້ນັບມື້ນັບພັດທະນາ, ທັນສະໄໝ, ສີວິໄລ.

        ສ່ວນທ່ານເລຂາຄະນະພັກນະຄອນ ຮ່າໂນ້ຍ ຮ່ວາງຈູງຫາຍ ຊີ້ແຈ້ງວ່າ: ວິທະຍຸກະຈາຍສຽງ ຫວຽດນາມ ໄດ້ສຳເລັດໜ້າທີ່ດີເດັ່ນ ນຳທັດສະນະຂອງພັກ, ລັດ ເຖິງປະຊາຊົນໃນທົ່ວປະເທດ, ພໍ່ແມ່ປະຊາຊົນຊາວ ຫວຽດນາມ ອາໄສຢູ່ຕ່າງປະເທດ ກໍ່ຄືບັນດາປະເທດໃນໂລກ. ໃນວິວັດທະນາການນັ້ນ ວິທະຍຸກະຈາຍສຽງ ຫວຽດນາມ ໄດ້ພັດທະນາ ແລະ ສ້າງຜະລິດຕະພັນຫລາຍຢ່າງເພື່ອຮັບໃຊ້ສັງຄົມ. ທ່ານເລຂາຄະນະພັກນະຄອນ ຮ່າໂນ້ຍ ຮ່ວາງຈູງຫາຍ ເຊື່ອໝັ້ນວ່າ ດ້ວຍຖັນແຖວພະນັກງານທີ່ໜ້າໄວ້ເນື້ອເຊື່ອໃຈ, ມີວິຊາຊີບ, ວິທະຍຸກະຈາຍສຽງ ຫວຽດນາມ ຈະສືບຕໍ່ຕິດຕາມພຶດຕິກຳຕົວຈິງຂອງນະຄອນ, ສ່ອງແສງ ບັນດາເຫດການທີ່ດຳເນີນໄປໃນບໍລິເວນຢ່າງຊັດເຈນ, ທັນການ, ເຂົ້າຮ່ວມການສ້າງນະຄອນຫລວງໃຫ້ນັບມື້ນັບຮັ່ງມີເຂັ້ມແຂງ.