ທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຝຸຈ້ອງ (TTXVN)

        ຕໍ່່ໜ້າສະພາບການໂລກລະບາດໂຄວິດ - 19 ພວມສືບຕໍ່ແຜ່ລະບາດໃນທົ່ວໂລກ, ສົ່ງຜົນກະທົບຢ່າງເລິກເຊິ່ງຮອບດ້ານເຖິງຊີວິດ - ສັງຄົມ ຂອງບັນດາປະເທດ, ໃນນັ້ນ ມີຫວຽດນາມ. ວັນທີ 30 ມີນາ, ທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຝຸຈ້ອງ ໄດ້ອອກຄໍາຮຽກຮ້ອງພໍ່ແມ່ປະຊາຊົນ, ນັກຮົບໃນທົ່ວປະເທດ ແລະ ພໍ່ແມ່ພີ່ນ້ອງຊາວຫວຽດນາມ ອາໄສຢູ່ຕ່າງປະເທດ ຈົ່ງສາມັກຄີເປັນຈິດໜຶ່ງໃຈດຽວ ແລະ ມີການກະທໍາ, ປະຕິບັດຢ່າງຂ້ຽວຂາດ ສໍາລັບບັນດາແຜນນະໂຍບາຍຂອງພັກ ແລະ ລັດ, ການຊີ້ນໍາບໍລິຫານຂອງລັດຖະບານ, ນາຍົກລັດຖະມົນຕີ.

        ທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຝຸຈ້ອງ ເນັ້ນໜັກວ່່າ: ໃນໄລຍະທີ່ຈະມາເຖິງ ພວກເຮົາຈະຕ້ອງປະເຊີນໜ້າກັບຄວາມຫຍຸ້ງຍາກ ຍິ່ງກວ່າທົບຫຼາຍເທົ່າ, ຮຽກຮ້ອງໃຫ້ມີຄວາມມານະພະຍາຍາມກວ່າອີກ ແລະ ເດັດດ່່ຽວກວ່າອີກ. ແຕ່ລະຄົນກໍລ້ວນແຕ່ກາຍເປັນນັກຮົບ ບົນແນວຮົບປ້ອງກັນ ແລະ ຕ້ານໂລກລະບາດ. ທົ່ວປວງຊົນທັງຊາດຫວຽດນາມ ຈົ່ງຮວ່່ມແຮງຮ່ວມໃຈ ຜ່ານຜ່າຄວາມຫຍຸ້ງຍາກ ແລະ ສິ່ງທ້າທາຍ ເພື່ອເອົາໄຊຊະນະໂລກລະບາດໂຄວິດ - 19.