ກ່າວຄຳເຫັນໃນວາລະປຶກສາຫາລືກ່ຽວກັບສະພາບການຢູ່ ມຽນມາ ຂອງສະພາຄວາມໝັ້ນຄົງ ສປຊ ໃນຕອນບ່າຍວັນທີ 28 ສິງຫາ, ທ່ານ Antonio Guterres, ເລຂາທິການໃຫຍ່ ສປຊ ຖືວ່າ: ສະພາບການຢູ່ລັດ Rakhine ຂອງມຽນມາ ຍັງບໍ່ທັນມີຄວາມປອດໄພຢ່າງພຽງພໍເພື່ອໃຫ້ຊາວ Rohingya ຕັດສິນໃຈ ຫຼື ເລືອກເຟັ້ນຈະກັບຄືນເຂດດຳລົງຊີວິດກ່ອນນີ້. ທ່ານເລຂາທິການໃຫຍ່ ສປຊ ໄດ້ຮຽກຮ້ອງບັນດາສະມາຊິກສະພາຄວາມໝັ້ນຄົງ ສປຊສົມທົບກັນເພື່ອກະຕຸກຊຸກຍູ້ວົງການເຈົ້າໜ້າທີ່ ມຽນມາ ຮ່ວມມືກັບ ສປຊ ແລະ ຮັບປະກັນວ່າບັນດາອົງການ ແລະ ຄູ່ຮ່ວມມືຂອງ ສປຊ ອາດຈະສຳຜັດກັບຊາວລີ້ໄພໃນທັນທີ, ບໍ່ຖືກຈຳກັດ ແລະ ມີປະສິດທິຜົນ. ທ່ານ Guterres ຖືວ່າ ການຮ່ວມມືສາກົນໃນຈຸດເວລານີ້ແມ່ນສຳຄັນເພື່ອຮັບປະກັນທຸກໆກົນໄກໜູນຊ່ວຍທີ່ກ່ຽວຂ້ອງ ໄດ້ຮັບການຜັນຂະຫຍາຍດ້ວຍຄວາມໄວ້ເນື້ອເຊື່ອໃຈ, ກະຈ່າງແຈ້ງ, ຍຸຕິທຳ, ເປັນເອກະລາດ ແລະ ຮັບປະກັນບັນດາພັນທະຂອງ ມຽນມາ ຕໍ່ກົດໝາຍສາກົນ. ທ່ານກໍ່ຮຽກຮ້ອງໃຫ້ເພີ່ມທະວີການໜູນຊ່ວຍຂອງສາກົນໃຫ້ແກ່ໂຄງການຮັບມືກັບວິກິດການຢູ່ ມຽນມາ ເມື່ອແຫຼ່ງທຶນຮັບໃຊ້ໃຫ້ແກ່ວຽກງານນີ້ປະຈຸບັນຍັງຂາດຢູ່ປະມານ 33% ເມື່ອທຽບໃສ່ລະດັບທີ່ຈຳເປັນ.