ຕອນເຊົ້າວັນທີ 17 ພະຈິກ, ທີ່ທຳນຽບປະທານປະເທດ, ທ່ານນາງ Portell Casanova Maria Del Rosario, ເອກອັກຄະລັດຖະທູດ ອູຣູກວາຍ; ທ່ານນາງ Grete Lochen, ເອກອັກຄະລັດຖະທູດ ລາຊະອານາຈັກ ນອກແວ; ທ່ານນາງ Deborah Anne Paul, ເອກອັກຄະລັດຖະທູດ ການາດາ; ທ່ານ ຈ໊ຽງໂປ, ເອກອັກຄະລັດຖະທູດ ສປ ຈີນ ເຂົ້າຢື່ນສານແຕ່ງຕັ້ງຕໍ່ທ່ານເລຂາທິການໃຫຍ່, ປະທານປະເທດ ສສ ຫວຽດນາມ ຫງວຽນຝູຈ້ອງ, ເນື່ອງໃນໂອກາດໄດ້ຮັບການແຕ່ງຕັ້ງເປັນເອກອັກຄະລັດຖະທູດ ປະຈຳ ຫວຽດນາມ.

        ພາຍຫຼັງພິທີຢື່ນສານແຕ່ງຕັ້ງ, ທ່ານເລຂາທິການໃຫຍ່, ປະທານປະເທດ ຫງວຽນຝູຈ້ອງ ໄດ້ຕ້ອນຮັບບັນດາທ່ານເອກອັກຄະລັດຖະທູດ. ກ່າວຄຳເຫັນທີ່ການຕ້ອນຮັບ, ທ່ານເລຂາທິການໃຫຍ່, ປະທານປະເທດ ຫງວຽນຝູຈ້ອງ ໄດ້ສະແດງຄວາມເຊື່ອໝັ້ນວ່າ, ດ້ວຍລະດັບຄວາມຮູ້, ປະສົບການໃນການປະຕິບັດງານຂອງຕົນ ແລະ ຄວາມຮັກທີ່ສະຫງວນໃຫ້ແກ່ ຫວຽດນາມ, ບັນດາເອກອັກຄະລັດຖະທູດ ຈະປະຕິບັດສຳເລັດພາລະໜ້າທີ່ໄດ້ຮັບມອບໝາຍ, ແມ່ນຂົວເຊື່ອມຕໍ່ຊຸກຍູ້ການພົວພັນມິດຕະພາບ ແລະ ການຮ່ວມມືລະຫວ່າງບັນດາປະເທດກັບ ຫວຽດນາມ. ທ່ານເລຂາທິການໃຫຍ່, ປະທານປະເທດ ຫງວຽນຝູຈ້ອງ ເນັ້ນໜັກວ່າ: ຫວຽດນາມ ຍາມໃດກໍ່ສ້າງເງື່ອນໄຂສະດວກເພື່ອໃຫ້ບັນດາເອກອັກຄະລັດຖະທູດປະຕິບັດສຳເລັດໜ້າທີ່ໃນໄລຍະປະຕິບັດງານຢູ່ ຫວຽດນາມ.