ທ່ານ​ເລ​ຂາ​ທິ​ການ​ໃຫຍ່ ຫງວຽນ​ຟູ໋​ຈ້ອງ ແລະ ທ່ານ​ເລ​ຂາ​ທິ​ການ​ໃຫຍ່​ພັກ​ແຮງ​ງານ ເມກ​ຊີ​ໂກ Alberto Anaya Gutiérrez ໃນ​ການ​ຢ້ຽມ​ຢາມ ຫວຽດ​ນາມ

(vovworld) - ທ່ານ Alberto Anaya Gutierre, ເລ​ຂາ​ທິ​ການ​ໃຫຍ່​ພັກ​ແຮງ​ງານ ເມກ​ຊີ​ໂກ (PT) ໄດ້​ເນັ້ນ​ໜັກ​ຄວາມ​ໝາຍ​ອັນ​ໃຫຍ່ຫຼວງ​ຂອງ​ໄຊ​ຊ​ະ​ນະ​ວັນ​ທີ 30/4/1975 ສ​ຳ​ລັບ​ການ​ປະ​ຕິ​ວັດ ຫວຽດ​ນາມ ແລະ ໂລກ. ເນື່ອງ​ໃນ​ໂອ​ກາດ​ສະ​ເຫຼີມ​ສະ​ຫຼອງ 42 ປີ​ແຫ່ງວັນ​ປົດ​ປ່ອຍ​ພາກ​ໃຕ້, ທ້ອນ​ໂຮມ​ປະ​ເທ​ດ​ຊາດ​ເປັນ​ເອ​ກະ​ພາບ (30/4/1975 – 30/4/2017) ຂອງ ປະ​ຊາ​ຊົ​ນ ຫວຽດ​ນາມ, ວັນ​ທີ 30/4, ທ່ານ​ເລ​ຂາ​ທິ​ການ​ໃຫຍ່ Alberto Anaya Gutierre ໄດ້​ໄປ​ຢ້ຽມ​ຢາມ ແລະ ໂອ້​ລົມ​ກັບ​ຖັນ​ແຖວ​​ແພດໝໍ ຫວຽດ​ນາມ ​ທີ່ເຮັດ​ວຽກ​ຢູ່​ສູນ​ການ​ແພດ​ປິນ​ປົວ​ແບບຝັງ​ເຂັມ 2 ແຫ່ງ​ຢູ່​ນະ​ຄອນ Zacatecas ແລະ Monterre ຂອງ​ເມກ​ຊີ​ໂກ. ທ່ານ​ເລ​ຂາ​ທິ​ການ​ໃຫຍ່ Alberto Anaya Gutierre ໄດ້​ຕີ​ລາ​ຄາ​ສູງ ບົດ​ບາດ​ນຳ​ພາ​ຂອງ​ພັກ​ກອມ​ມູ​ນິດ ຫວຽດ​ນາມ ແລະ ປະ​ທານ ໂຮ່​ຈີ​ມິນ ສຳ​ລັບ​ການ​ປະ​ຕິ​ວັດ ຫວຽດ​ນາມ. ທ່ານ​ເລ​ຂາ​ທິ​ການ​ໃຫຍ່ Alberto Anaya Gutierre ເນັ້ນ​ໜັກ​ການ​ປະ​ຕິ​ວັດ ຫວຽດ​ນາມ ແມ່ນ​ບົດ​ຮຽນ​ມີ​​ຄຸນ​ຄ່າ​​​ພຶດ​ຕິ​ກຳ​ຕົວ​ຈິງ​ສຳ​ລັບ​ໂລກ, ພິ​ເສດ​ແມ່ນ​ເສີມ​ຂະ​ຫຍາຍ​ນ້ຳ​ໃຈ​ມະ​ຫາ​ສາ​ມັກ​ຄີ​ທົ່ວ​ປວງ​ຊົນ, ສົມ​ທົບ​ຢ່າງ​​ກົມ​ກ່ຽວລະ​ຫວ່າງ​ກຳ​ລັງ​ແຮງ​ແຫ່ງ​ຊາດ ແລະ ຍຸກ​ສະ​ໄໝ, ກໍ່​ຄື​ການ​ຕໍ່​ສູ້ດ້ວຍ​ວິ​ທີ​ການ​ທູດ ແລະ ການ​ທະ​ຫານ.