ເລຂາທິການໃຫຍ່ຫງວຽນຟູ໋ຈ້ອງພົບປະກັບຜູ້ມີສິດເລືອກຕັ້ງຮ່າໂນ້ຍ
ເລຂາທິການໃຫຍ່ຫງວຽນຟູ໋ຈ້ອງພົບປະກັບຜູ້ມີສິດເລືອກຕັ້ງຮ່າໂນ້ຍ
(ພາບ: nguyenphutrong.net)
(vovworld) – ໂດຍກະກຽມໃຫ້ແກ່ກອງປະຊຸມສະໄໝສາມັນເທື່ອທີ 7, ສະພາແຫ່ງຊາດ ຫວຽດນາມ ຊຸດທີ 13, ທ່ານເລຂາທິການໃຫຍ່ຄະນະບໍລິຫານງານສູນກາງພັກ ກອມມູນິດ ຫວຽດນາມ ຫງວຽນຟູ໋ຈ້ອງ, ສະມາຊິກສະພາແຫ່ງຊາດ (ສສຊ) ຊຸດທີ 13 ແລະ ບັນດາ ສສຊ ຮ່າໂນ້ຍ ມີການພົບປະກັບຜູ້ມີສິດເລືອກຕັ້ງເມືອງ ບາດິ່ງ. ກ່າວຄຳເຫັນທີ່ການພົບປະ, ໂດຍຕາງໜ້າໃຫ້ຄະນະ ສສຊ ຮ່າໂນ້ຍ, ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ຂອບອົກຂອບໃຈ ແລະ ຮັບຟັງບັນດາຄຳເຫັນທີ່ສຸດຈິດສຸດໃຈ, ມີຄວາມຮັບຜິດຊອບຂອງຜູ້ມີສິດເລືອກຕັ້ງທີ່ຝາກເຖິງສະພາແຫ່ງຊາດ. ທ່ານເລຂາທິການໃຫຍ່ໄດ້ແລກປ່ຽນກັບຜູ້ມີສິດເລືອກຕັ້ງເມືອງ ບາດິ່ງ 3 ບັນຫາ. ນັ້ນແມ່ນການປ່ຽນໃໝ່ການເຄື່ອນໄຫວຂອງ ສະພາແຫ່ງຊາດ, ການປ້ອງກັນ, ຕ້ານການສໍ້ລາດບັງຫຼວງ, ການຟຸມເຟືອຍ ແລະ ການລົງຄະແນນສຽງໄວ້ວາງໃຈ. ສຳລັບຄຳເຫັນຂອງຜູ້ມີສິດເລືອກຕັ້ງກ່ຽວກັບການສືບສວນ, ຟ້ອງສານ, ພິພາກສາບາງຄະດີສໍ້ລາດບັງຫຼວງໃຫຍ່, ທ່ານເລຂາທິການໃຫຍ່ ຫງວຽນຟູ໋ຈ້ອງ ໃຫ້ຮູ້ວ່າ: ນີ້ແມ່ນບັນຫາໃຫຍ່ທີ່ສຸດ, ໄດ້ຮັບຄວາມເອົາໃຈໃສ່ຈາກຫາງສຽງ ແຕ່ຕ້ອງມີເວລາຈຶ່ງແກ້ໄຂໄດ້. ເລື່ອງແກ້ໄຂບັນດາຄະດີສໍ້ລາດບັງຫຼວງແມ່ນຕ້ອງໄດ້ຮັບການປະຕິບັດບົນພື້ນຖານປະຕິບັດຕາມກົດໝາຍ, ຖືກຕ້ອງຕາມກົດໝາຍ, ຮັບປະກັນລັກສະນະເຄັ່ງຄັດ. ສຳລັບການປ້ອງກັນ, ຕ້ານການສໍ້ລາດບັງຫຼວງ ບໍ່ປະໃຫ້ເກີດຂຶ້ນແມ່ນດີທີ່ສຸດ, ແຕ່ເມື່ອເກີດຂຶ້ນແລ້ວຕ້ອງພິພາກສາຢ່າງເຄັ່ງຄັດ ຍ້ອນວ່ານັ້ນແມ່ນວິທີປ້ອງກັນ, ສະກັດກັ້ນ. ພ້ອມກັບການຕ້ານການສໍ້ລາດບັງຫຼວງ ຕ້ອງສືບຕໍ່ກະຕຸກຊຸກຍູ້, ປັບປຸງບັນດາຂໍ້ກຳນົດເພື່ອສະກັດກັ້ນສະພາບການຟຸມເຟືອຍທີ່ພວມເກີດຂຶ້ນໃນຊີວິດການເປັນຢູ່.
ຕອນບ່າຍວັນດຽວກັນ, ທ່ານເລຂາທິການໃຫຍ່ ຫງວຽນຟູ໋ຈ້ອງ ແລະ ຄະນະ ສສຊ ຮ່າໂນ້ຍ ໄດ້ພົບປະກັບຜູ້ມີສິດເລືອກຕັ້ງເມືອງ ຮ່ວານກ໋ຽມ.