![ເລຂາທິການໃຫຍ່ຫງວຽນຟຸ໋ຈ້ອງເລີ່ມຕົ້ນການຢ້ຽມຢາມສປ.ຈີນ ຢ່າງເປັນທາງການ - ảnh 2]() ![ເລຂາທິການໃຫຍ່ຫງວຽນຟຸ໋ຈ້ອງເລີ່ມຕົ້ນການຢ້ຽມຢາມສປ.ຈີນ ຢ່າງເປັນທາງການ - ảnh 3]() ການຕ້ອນຮັບທ່ານເລຂາທິການໃຫຍ່ ຫງວຽນຟຸ໋ຈ້ອງ ຢູ່ສະໜາມບິນ
(ພາບ: nguyenphutrong.net) |
(vovworld) - ໃນ 13 ໂມງ 15 ນາທີຕາມເວລາປັກກິງ ( ກົງກັບ 12 ໂມງ 15 ນາທີ ຕາມເວລາຫວຽດນາມ) ຂອງວັນທີ 7/4, ທ່ານເລຂາທິການໃຫຍ່ຄະນະບໍລິຫານສູນກາງພັກກອມມູນິດຫວຽດນາມ ຫງວຽນຟຸ໋ຈ້ອງ ແລະ ຄະນະຜູ້ແທນຂັ້ນສູງຫວຽດນາມ ໄດ້ໄປຮອດ ປັກກິງ, ເລີ່ມຕົ້ນການຢ້ຽມຢາມສປ.ຈີນ ຢ່າງເປັນທາງການຕາມຄຳເຊີນຂອງທ່ານເລຂາທິການໃຫຍ່, ປະທານປະເທດຈີນ ສືຈິ້ນຜິງ. ອອກຕ້ອນຮັບທ່ານເລຂາທິການໃຫຍ່ ຫງວຽນຟຸ໋ຈ້ອງ ແລະ ຄະນະຜູ້ແທນຂັ້ນສູງ ຫວຽດນາມ ຢູ່ສະໜາມບິນສາກົນປັກກິງ ມີທ່ານຮອງປະທານສະພາປຶກສາການເມືອງ ແຫ່ງຊາດຈີນ, ຫົວໜ້າຄະນະຕິດຕໍ່ພົວພັນຕ່າງປະເທດສູນກາງພັກກອມມູນິດຈີນ ຫວ໋າງຈາຣວຍ. ທ່ານເອກອັກຄະລັດຖະທູດຈີນ ປະຈຳ ຫວຽດນາມ ຄຸ້ງແຊວຢູງ ພ້ອມກັບບັນດາພະນັກງານຄະນະຕິດຕໍ່ພົວພັນຕ່າງປະເທດສູນກາງພັກກອມມູນິດຈີນ ແລະ ເຈົ້າໜ້າທີ່ກະຊວງການຕ່າງປະເທດຈີນ. ທ່ານເອກອັກຄະລັດຖະທູດຫວຽດນາມ ປະຈຳຈີນ ຫງວຽນວັນເທີ ພ້ອມກັບພະນັກງານ, ນັກສຶກສາຫວຽດນາມ ທີ່ພວມຮຳ່ຮຽນຢູ່ ຈີນ ເປັນຈຳນວນຫຼວງຫຼາຍໄດ້ມີໜ້າຢູ່ສະໜາມບິນ, ຂຳ່ນັບຮັບຕ້ອນທ່ານເລຂາທິການໃຫຍ່ ຫງວຽນຟຸ໋ຈ້ອງ ແລະ ຄະນະຜູ້ແທນຂັ້ນສູງຫວຽດນາມ.
ພິທີຕ້ອນຮັບທ່ານເລຂາທິການໃຫຍ່ ຫງວຽນຟຸ໋ຈ້ອງ ແລະ ຄະນະຜູ້ແທນຂັ້ນສູງຫວຽດນາມ ຢ່າງເປັນທາງການ ໄດ້ຈັດຕັ້ງໃນຕອນບ່າຍວັນທີ 7/4, ຢູ່ຫໍປະຊຸມໃຫຍ່ທີ່ນະຄອນຫຼວງປັກກິງ, ຕາມພິທີສູງສຸດທີ່ສະຫງວນໃຫ້ປະມຸກລັດ. ພາຍຫຼັງພິທີຕ້ອນຮັບ,ທ່ານເລຂາທິການໃຫຍ່ ຫງວຽນຟຸ໋ຈ້ອງ ໄດ້ມີການເຈລະຈາກັບທ່ານເລຂາທິການໃຫຍ່, ປະທານປະເທດຈີນ ສືຈິ້ນຜິງ. ກ່າວຄຳເຫັນທີ່ການເຈລະຈາ,ທ່ານເລຂາທິການໃຫຍ່ ພັກກອມມູນິດຈີນ, ປະທານປະເທດຈີນ ສີຈິນຜິງ ໃຫ້ຮູ້ວ່າ :
“ກ່ອນອື່ນໝົດ, ຂ້າພະເຈົ້າຊົມເຊີຍທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟູ້ຈ້ອງ ພ້ອມດ້ວຍຄະນະໄດ້ມາຢ້ຽມຢາມຈີນ. ຈີນມີຄວາມຫວັງພ້ອມກັບຫວຽດນາມມານະພະຍາຍາມ, ສືບຕໍ່ປະຕິບັດທິດນຳທີ່ການນຳ 2 ປະເທດໄດ້ຕົກລົງກັນເພື່ອນຳການພົວພັນລະຫວ່າງ 2 ປະເທດພັດທະນາຕາມຄວາມຫວັງ, ຍູ້ແຮງການພົວພັນຄູ່ຮ່ວມມືຍຸດທະສາດຮອບດ້ານ ໃຫ້ພັດທະນາເປັນປັກກະຕິ, ໝັ້ນຄົງຍາວນານ. ”
ສ່ວນທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟູ້ຈ້ອງເນັ້ນໜັກວ່າ :
“ກ່ອນອື່ນໝົດຂ້າພະເຈົ້າຂໍສະແດງຄວາມຂອບໃຈ ທ່ານເລຂາທິການໃຫຍ່ ພັກກອມມູນິດຈີນ, ປະທານປະເທດຈີນ ສີຈິນຜິງ ທີ່ໄດ້ເຊີນຂ້າພະເຈົ້າພ້ອມດ້ວຍຄະນະມາຢ້ຽມຢາມຈີນ ແລະ ໄດ້ໃຫ້ການຕ້ອນຮັບພວກຂ້າພະເຈົ້າຢ່າງສົມກຽດ ເຕັມໄປດ້ວຍນ້ຳໃຈສາມັກຄີອ້າຍນ້ອງ. ຂ້າພະເຈົ້າພາກພູມໃຈທີ່ໄດ້ມາຢ້ຽມຢາມຈີນອີກຄັ້ງໜຶ່ງ, ໄດ້ເຫັນປະຈັກຕາການພັດທະນາຂອງປະເທດຈີນທີ່ສວຍງາມ ແລະ ຄວາມມ່ວນຊື່ນ, ປະເອີບໃຈຂອງປະຊາຊົນຈີນ”