(VOVWORLD) - ຄະນະຈັດຕັ້ງໄດ້ມອບຂອງຂວັນຂອງບັນດານັກອຸປະຖຳທີ່ສະຫງວນໃຫ້ຄົນພິການ, ເດັກກຳພ້າ ແລະ ຜູ້ປົກປ້ອງ. ຕອນເຊົ້າວັນທີ 11 ເມສາ, ກອງປະຊຸມຈະໄຂຂຶ້ນຢ່າງເປັນທາງການ.
 (ໃນຂອບເຂດກອງປະຊຸມ ຈະຈັດລາຍການ “ຫົວໃຈໜຶ່ງ - ໂລກໜຶ່ງ” ຄັ້ງທີ 19) |
ເພື່ອມຸ່ງໄປເຖິງວັນຄົນພິການ ຫວຽດນາມ, ວັນທີ 10 ເມສາ, ຢູ່ ຮ່າໂນ້ຍ, ມີແບບຢ່າງດີເດັ່ນເຊິ່ງແມ່ນຄົນພິການ, ເດັກກຳພ້າ ແລະ ຜູ້ປົກປ້ອງໄດ້ເຂົ້າຮ່ວມບັນດາການເຄື່ອນໄຫວໃນບັນເຫດການຂອງ “ກອງປະຊຸມຍ້ອງຍໍຄົນພິການ, ເດັກກຳພ້າ ແລະ ຜູ້ປົກປ້ອງດີເດັ່ນທົ່ວປະເທດຄັ້ງທີ 6”. ຕອນບ່າຍວັນທີ 10 ເມສາ, ຄະນະຈັດຕັ້ງໄດ້ມອບຂອງຂວັນຂອງບັນດານັກອຸປະຖຳທີ່ສະຫງວນໃຫ້ຄົນພິການ, ເດັກກຳພ້າ ແລະ ຜູ້ປົກປ້ອງ. ຕອນເຊົ້າວັນທີ 11 ເມສາ, ກອງປະຊຸມຈະໄຂຂຶ້ນຢ່າງເປັນທາງການ.
ນັບແຕ່ປີ 2017 ມາຮອດປະຈຸບັນ, ສູນກາງສະມາຄົມອຸປະກະລະຄົນພິການ ແລະ ເດັກກຳພ້າ ຫວຽດນາມ ແລະ ບັນດາອົງການຈັດຕັ້ງສາມາຊິກ ໄດ້ຮັບການຮ່ວມເດີນທາງ, ສະໜັບສະໜູນຂອງຫຼາຍອົງການຈັດຕັ້ງ, ສ່ວນບຸກຄົນຢູ່ພາຍໃນ ແລະ ຕ່າງປະເທດ; ລະດົມ, ປະກອບເງິນ, ວັດຖຸຄິດເປັນມູນຄ່າເກືອບ 158 ລ້ານ USD ເພື່ອໜູນຊ່ວຍເປົ້າໝາຍ 23 ລ້ານເທື່ອຄົນ.
ໃນຂອບເຂດກອງປະຊຸມ ຈະຈັດລາຍການ “ຫົວໃຈໜຶ່ງ - ໂລກໜຶ່ງ” ຄັ້ງທີ 19, ເພື່ອໂຄສະນາ, ຍົກສູງຄວາມຮັບຮູ້ກ່ຽວກັບບັນດາບັນຫາຂອງຄົນພິການ, ຍ້ອງຍໍບັນດາແບບຢ່າງຜ່ານຜ່າຄວາມຫຍຸ້ງຍາກ.