ທ່ານ Musharraf ​ ພາບ: internet

(vovworld)- ວັນ​ທີ 27/8 ສານ​ພິພາກສາ​ອະດີດ​ປະ​ທາ​ນາ​ທິບໍດີ​ ປາ​ກິດ​ສະຖານ Pervez Musharraf ທີ່ກ່ຽວຂ້ອງ​ເຖິງ​ເຫດ​ລອບ​ສັງຫານ​ອະດີດນາຍົກລັດຖະມົນຕີປະ​ເທດ​ນີ້ ທ່ານນາງ Benazir Bhitto ​​ໄດ້​ເລີ່​ມດຳ​ເນີນ​ຢ່າງ​ເປັນ​ທາງ​ການ. ​​ເຈົ້າ​ຫນ້າ​ທີ່ໄອ​ຍະ​ການ​ແຫ່ງ​ລັດ​ປາ​ກິດ​ສະຖານ ທ່ານ Chaudhry Azhar ​ໃຫ້​ຮູ້​ວ່າ: ການ​ປະຊຸມສານ​ພິພາກສາດຳ​ເນີນຢູ່​ສານ​ຕ້ານ​ການ​ກໍ່​ກາ​ນຮ້າຍ​ທີ່​ນະຄອນ Rawalpindi. ຕົວພະຍານ 4 ຄົນ​ຖືກ​ຮຽກ​ຕົວ​ມາ​ຮ່ວມ ​ແຕ່​ມີ​ພຽງ​ຜູ້​ຫນຶ່ງ​ມາສູ້​ຄວາມ. ທ່ານ Musharraf ​ໄດ້ຍົກ​ເວັ້ນ​ການມີຫນ້າ​ຢູ່​ສານ​ພິພາກສາຍ້ອນ​ສາຍ​ເຫດ​ຄວາມ​ສະຫງົບ​ປອດ​ໄພ. ທ່ານ Musharraf ຖືກ​ກ່າວ​ຜູກ​ໂທ​ດວ່າ​ມີການ​ກະທຳ​ຄາດ​ຕະກຳ ​ແລະ ​​ ​ອຳນວຍ​ຄວາມ​ສະດວກ​ໃຫ້​ແກ່​ການ​ກະທຳ​ຄາດ​ຕະກຳ. ຖ້າ​ຫາກ​ຖືກ​ຕັດສິນ​ລົງ​ໂທດ, ທ່ານ Musharraf ອາດ​ຈະ​ຖືກ​ຕັດສິນປະຫານ​ຊີວິດ ຫລື ຈຳ​ຄຸກ​ຕະຫລອດ​ຊີວິດ. ນອກຈາກ​ທ່ານ Musharraf ​ແລ້ວ,​ ມີ​ຜູ້​ອື່ນ 7 ຄົນ ​ໃນ​ນັ້ນ​ມີ​ບັນດາ​ສະມາຊິກ​ໃນກຳລັງ Taliban ​ແລະ ​ເຈົ້າ​ຫນ້າ​ທີ່​ຂັ້ນ​ສູງ​ຕຳຫລວດ ປາ​ກິດ​ສະຖານ 2 ຄົນ​ກໍ​ຖືກ​ຕັດສິນ​ລົງ​ໂທດ.