(vovworld) – ​​​​ ​ເວລາ 17 ​ໂມງ ຕາມ​ເວລາ​ທ້ອງ​ຖິ່ນ (ກົງ​ກັບ 0 ​ໂມງ​ເຊົ້າວັນ​ທີ 30/11 ຕາມ​ເວລາ ຫວຽດນາມ) ຂອງ​ຕອນ​ບ່າຍ​ວັນ​ທີ 19/11, ກອງ​ປະຊຸມ​ຄັ້ງ​ທີ 21 ສົນທິສັນຍາ​ແມ່​ຂອງ​ສະຫະ​ປະຊາ​ຊາດ​ກ່ຽວ​ກັບ​ການ​ປ່ຽນ​ແປງ​ຂອງ​ດິນ​ຟ້າ​ອາກາດ (COP-21) ​ຖືກ​ໄຂ​ຂຶ້ນ​ຢູ່​ນະຄອນຫລວງ Paris ປະ​ເທດ ຝະລັ່ງ. ກອງ​ປະຊຸມ​ສະ​ຫງວນ 1 ນາທີ​ເພື່ອ​ອາ​ໄລ​ຫາບັນດາຜູ້​ປະສົບ​ເຄາະ​ຮ້າຍ​ໃນ​ບັນດາ​ເຫດ​ບຸກ​ໂຈມ​ຕີ​ກໍ່​ກາ​ນຮ້າຍ​ຢູ່ Paris ​ໃນ​ວັນ​ທີ 13/11 ຫວ່າງ​ແລ້ວ​ນີ້. ພາຍຫລັງການ​ອາ​ໄລ​ຫາ, ໄດ້  ເລີ່​ມຕົ້ນ​ການ​ປຶກສາ​ຫາລື ດ້ວຍບົດ​ກ່າວ​ຄຳ​ເຫັນ​ຂອງທ່ານ ​Manuel Pulgar – Vidal ລັດຖະມົນຕີ​ກະຊວງ​ສິ່ງ​ແວດ​ລ້ອມ ​ເປຣູ, ​ໃນ​ນັ້ນ ​ເນັ້ນ​ໜັກ​ວ່າ: ຂໍ້​ຕົກລົງ​ສະບັບໜຶ່ງ​ກ່ຽວ​ກັບ​ດິນ​ຟ້າ​ອາກາດ​ແມ່ນ​ວິທີ​ທີ່​ດີ​ທີ່​ສຸດ ​ເພື່ອ​ຜ່ານ​ຜ່າ​ຄວາມ​ສະຫຍົດ​ສະຫຍອງ ພາຍຫລັງ​ບັນດາ​ເຫດ​ບຸກ​ໂຈມ​ຕີ​ກໍ່​ການ​ຮ້າຍ​ຫວ່າງ​ແລ້ວ​ນີ້. ສ່ວນ​ທ່ານ Laurent Fabius ລັດຖະມົນຕີ​ກະຊວງ​ການ​ຕ່າງປະ​ເທ​ດ ຝະລັ່ງ ປະທານ​ຂອງ​ກອງ​ປະຊຸມ COP-21 ຖື​ວ່າ: ​ເປົ້າ​ໝາຍ​ຂອງ​ກອງ​ປະຊຸມ ​ເພື່ອ​ແນ​ໃສ່​ບັນລຸ​ໄດ້​ຂໍ້​ຕົກລົງສະບັບ​ໜຶ່ງທີ່​ເຕັມ​ໄປ​ດ້ວຍ​ຄວາມ​ມັກ​ໃຫຍ່​​​ໄຝ່ສູງ ​ຊຶ່ງ​ບັນດາ​ປະ​ເທດ​ລ້ວນ​ແຕ່​​ໄດ້ເຫັນ​ດີ.