ພາບປະກອບ: TTXVN

ຕອນບ່າຍວັນທີ 7 ຕຸລາ, ຄະນະກຳມະການປະຊາຊົນ ແຂວງກຽນຢາງ ໄດ້ສົມທົບກັບກົມໃຫຍ່ການທ່ອງທ່ຽວ ຈັດກອງປະຊຸມທາງໄກ ກ່ຽວກັບວຽກງານໂຄສະນາ, ສົ່ງເສີມການເປີດປະຕູຮັບແຂກທ່ອງທ່ຽວສາກົນ ຢູ່ຝູກວັກ. ວຽກງານສົ່ງເສີມ, ໂຄສະນາພາບພົດເຄື່ອງໝາຍການຄ້າການທ່ອງທ່ຽວ ຝູກວັກ - ກຽນຢາງ ໄດ້ຊ່ວຍສ້າງຄວາມໄວ້ເນື້ອເຊື່ອໃຈ ໃນປະຊາຄົມ ກ່ຽວກັບການສ້າງການເຄື່ອນໄຫວລກປ່ຽນການຄ້າທັງຢູ່ພາຍໃນ ແລະ ຕ່າງປະເທດຄືນໃໝ່ໂດຍໄວ, ກົມກືນໄປກັບເປົ້າໝາຍພັດທະນາເສດຖະກິດນັ້ນແມ່ນການປ້ອງກັນ, ຕ້ານໂລກລະບາດໂຄວິດ - 19. ຕາມທ່ານນາງ ກ໋ວາງຊວັນລົ້ວ ຮອງຫົວໜ້າພະແນກທ່ອງທ່ຽວ ແຂວງ ກຽນຢາງ ແລ້ວ, ເພື່ອກະກຽມການຜັນຂະຫຍາຍແຜນການທົດລອງຕ້ອນຮັບແຂກທ່ອງທ່ຽວສາກົນມາທ່ຽວຢູ່ຝູກວັກ, ຍຸດທະສາດວັກຊິນກັນໂຄວິດ - 19 ໃຫ້ສຳເລັດກໍ່ພວມໄດ້ຮັບການຜັນຂະຫຍາຍ ຢູ່ທ້ອງຖິ່ນໂດຍໄວ. ທ່ານນາງ ກ່າວວ່າ:

ທາງແຂວງໄດ້ປະຕິບັດສຳເລັດການສັກວັກຊິນເຂັມທີ 1 ໃຫ້ແກ່ປະຊາຊົນໝົດທຸກຄົນ ທີ່ມີອາຍຸແຕ່ 18 ປີຂຶ້ນໄປ ຢູ່ ເກາະຝູກວັກແລ້ວ. ມາຮອດທ້າຍເດືອນຕຸລາ, ຕົ້ນເດືອນພະຈິກ ຈະປະຕິບັດໃຫ້ສຳເລັດການສັກເຂັມທີ 2. ທາງແຂວງກໍ່ພວມຍູ້ໄວວຽກງານກະກຽມກ່ຽວກັບກຳລັງທາງການແພດ, ກຽມພ້ອມດ້ານບຸກຄະລາກອນ, ວັດຖຸອຸປະກອນ, ຄວາມສາມາດໃນການວິໄຈຫາເຊື້ອ ແລະ ບັນດາວິທີການຮັກສາຄວາມປອດໄພໃນການປ້ອງກັນ, ຕ້ານໂລກລະບາດ, ແກ້ໄຂເຫດທີ່ເກີດຂຶ້ນຢູ່ທ້ອງຖິ່ນ. ຄາດວ່າຮອດວັນທີ 20 ພະຈິກ ປີ 2021 ຈະເລີ່ມເຄື່ອນໄຫວຂັ້ນຕອນຮັບແຂກທ່ອງທ່ຽວ ເພື່ອຮັບປະກັນຕາມແຜນການທີ່ໄດ້ວາງອອກ.

ເປົ້າໝາຍແຂກທ່ອງທ່ຽວໃນເປີດປະຕູຄັ້ງນີ້ ຢູ່ເກາຝູກວັກ ແມ່ນແຂກທ່ອງທ່ຽວສາກົນທີ່ມາຈາກຕະຫຼາດທີ່ມີຄວາມສາມາດບົ່ມຊ້ອມ, ມີຄວາມປອດໄພສູງກ່ຽວກັບການປ້ອງກັນ, ຕ້ານໂລກລະບາດໂຄວິດ - 19 ຢູ່ບາງປະເທດເອີລົບ, ຕາເວັນອອກກາງ ຄື: ອາເມລິກາ, ສ.ເກົາຫຼີ, ອິນເດຍ, ຈີນ, ໄຕ້ຫວັນ (ຈີນ), ຮົ່ງກົງ (ຈີນ), ລັດເຊຍ, ອີຕາລີ, ອົດສະຕາລີ.