ການເສັງ Viet Solutions ຄັ້ງທີ 3 ປີ 2021 (ພາບ: TTXVN)

ວັນທີ 10 ມິຖຸນາ, ກະຊວງຖະແຫຼງຂ່າວ ແລະ ສື່ສານຫວຽດນາມ ໄດ້ສົມທົບກັບກຸ່ມບໍລິສັດອຸດສາຫະກຳ-ໂທລະຄົມມະນາຄົມກອງທັບ (Viettel) ປະກາດການເສັງ Viet Solutions ຄັ້ງທີ 3 ປີ 2021. ການເສັງແມ່ນເພື່ອຊອກຫາມາດຕະການຊຸກຍູ້ການຫັນເປັນດີຈີຕອນລະດັບຊາດ. ໃນການເສັງປີ 2021 ນີ້, Viet Solutions ໄດ້ເປີດກວ້າງການຮັບເອົາບັນດາແນວຄວາມຄິດດ້ານເຕັກໂນໂລຊີ ແລະ ເພີ່ມມູນຄ່າຂອງລາງວັນຂຶ້ນທົບ 3 ເທົ່າ.

        ດ້ວຍສານທີ່ວ່າ “ການກະທົບຮ່ວມເພື່ອສ້າງສັງຄົມດີຈີຕອນ”, ເປົ້າໝາຍຂອງ Viet Solutions 2021 ມຸ່ງໄປເຖິງແມ່ນບັນດາສ່ວນບຸກຄົນ, ອົງການຈັດຕັ້ງ ທີ່ພວມດຳລົງຊີວິດ, ຮ່ຳຮຽນ ແລະ ເຮັດວຽກຢູ່ທຸກໆປະເທດໃນໂລກ. ບັນດາແນວຄິດ, ຜະລິດຕະພັນເຕັກໂນໂລຊີແມ່ນສຸມໃສ່ບັນດາຂົງເຂດຄື: ສາທາລະນະສຸກ; ການສຶກສາ; ການເງິນ-ທະນາຄານ; ກະສິກຳ; ຄົມມະນາຄົມຂົນສົ່ງ- Logistics; ພະລັງງານ; ຊັບພະຍາກອນ-ສິ່ງແວດລ້ອມ… ທ່ານລັດຖະມົນຕີກະຊວງຖະແຫຼງຂ່າວ ແລະ ສື່ສານ ຫງວຽນແມ້ງຮຸ່ງ, ໃຫ້ຮູ້ວ່າ:

        “ປະຈຸບັນພວກເຮົາມີໂອກາດແກ້ໄຂບັນດາບັນຫາຂອງປະເທດດ້ວຍເຕັກໂນໂລຊີ. Viet Solutions” ແມ່ນຄຳຕອບດ້ານເຕັກໂນໂລຊີໃຫ້ແກ່ບັນດາບັນຫາຂອງຫວຽດນາມ ແລະ ຜ່ານນີ້ເພື່ອພັດທະນາເຕັກໂນໂລຊີ, ນຳ ຫວຽດນາມ ໃຫ້ກາຍເປັນປະເທດເຕັກໂນໂລຊີ. ພ້ອມກັບລະບອບລະບຽບການ, ເຕັກໂນໂລຊີໄດ້ຮັບການຢັ້ງຢືນວ່າແມ່ນກຳລັງໜູນເພື່ອພັດທະນາລັດຖະບານດີຈີຕອນ, ເສດຖະກິດດີຈີຕອນ, ສັງຄົມດີຈີຕອນ, ນຳຫວຽດນາມ ໃຫ້ກາຍເປັນປະເທດດີຈີຕອນ, ປະເທດອັດສະລິຍະ.”