(vovworld) – ​​ ນາ​ຍົກ​ລັດ​ຖະ​ມົນ​ຕີ​ຫາ​ກໍ່​ເຊັນ​ຂໍ້​ຕົກ​ລົງ​ເລກ​ທີ 01/ຕ​ລ - ນ​ຍ ປະ​ກາດ​ໃຊ້​ແຜນ​ການ​ຂອງ​ລັດ​ຖະ​ບານ​ກ່ຽວ​ກັບ​ເລື່ອງ​ຈັດ​ຕັ້ງ​​ການຮັບ​ເອົາ​ຄຳ​ເຫັນ​ຂອງ​ປະ​ຊາ​ຊົນ​​ປະ​ກອບ​ໃຫ້​ຮ່າງ​ກົດ​ໝາຍ​​ແພ່ງ (ສະ​ບັບ​ປັບ​ປຸງ). ເວ​ລາ​ຮັບ​ເອົາ​ຄຳ​ເຫັນ​ຂອງ​ປະ​ຊາ​ຊົນທີ່​ປະ​ກອບ​ໃຫ້​ຮ່າງ​ກົດ​ໝາຍ​ດັ່ງ​ກ່າວ ເລີ່ມ​ແຕ່​ວັນ​ທີ 5/1/2015 ແລະ ສິ້ນ​ສຸດ​ລົງ​​ໃນ​ວັນ​ທີ 5/4/2015. ເນື້ອ​ໃນ​ຮັບ​ເອົາ​ຄຳ​ເຫັນ​ລວມ​ມີ: ຂໍ້​ກຳ​ນົດ​ລວມ, ກຳ​ມະ​ສິດ ແລະ ບັນ​ດາ​ສິດ​ອື່ນໆ, ພາ​ລະ​ໜ້າ​ທີ່ ແລະ ສັນ​ຍາ, ສືບ​ມູນ … ບັນ​ດາ​ກະ​ຊວງ, ອົງ​ການ​ທຽບ​ເທົ່າ​ກ​ະ​ຊວງ, ອົງ​ການ​ຂຶ້ນ​ກັບ​ລັດ​ຖະ​ບານ​ຈັດ​ຕັ້ງ​ການ​ຮັບ​ເອົາ​ຄຳ​ເຫັນ​ກ່ຽວ​ກັ​ບ​ບັນ​ດາ​ເນື້ອ​ໃນ​ດັ່ງ​ກ່າ​ວ, ພ້ອມ​ທ​ັງ​ອີງ​ໃສ່​ພາ​ລະ​ໜ້າ​ທີ່, ໜ້າ​ທີ່, ສິດອ​ຳ​ນ​າດ​ຂອງ​ຕົນ, ສຸມ​ໃສ່​ຮັບ​ເອົາ​ຄຳ​ເຫັນ​ກ່ຽວ​ຂ້ອງ​​ໂດຍ​ກົງ​ເຖິງ​ຂອບ​ຂະ​ໜາດ, ຂົງ​ເຂດ​ການ​ເຄື່ອນ​ໄຫວ​ຂອງ​ກະ​ຊວງ, ຂະ​ແໜງ​​ການຂອ​ງ​ຕົນ ແລະ ບັນ​ດາ​ບັ​ນ​ຫາ​ເຊິ່ງ​ກະ​ຊວງ, ຂະ​ແໜງ​ການ​ເອົາ​ໃຈ​ໃສ່.

        ຮ່າງ​ກົດ​ໝາຍ​ແພ່ງ (ສະ​ບັບ​ປັບ​ປຸງ) ໄດ້​ຮັບ​ການ​ພິມ​ຈຳ​ໜ່າຍ​ໃນ​ໜັງ​ສື​ພິມ​ເຍີນ​ເຢີນ (ສຽງ​ຂອງ​ພັກ​ກອມ​ມູ​ນິດ ຫວຽດ​ນາມ) ແລະ ແວບ​ໄຊ​ຂອງ​ສະ​ພາ​ແຫ່ງ​ຊາດ, ກະ​ຊວງ​ຍຸ​ຕິ​ທຳ, ປະ​ຕູ​ຖານ​ເອ​ເລັກ​ໂຕ​ນິກ​ຂອງ​ລັດ​ຖະ​ບານ. ກະ​ຊວງ​ຍຸ​ຕິ​ທຳ​ຍື່ນ​ສະ​ເໜີ​ຕໍ່​ລັດ​ຖະ​ບານ​​ບົດລາຍ​​ງານ​ສະ​ຫລຸບ​ໝາກ​ຜົນ​ແຫ່ງ​ການ​ຮັບ​ເອົາ​ຄຳ​ເຫັນ​ຂອງ​ປະ​ຊາ​ຊົນ​​ທີ່​ປະ​ກອບ​ໃຫ້​ຮ່າງ​ກົດ​ໝາຍ​​ແພ່ງ (ສະ​ບັບ​ປັບ​ປຸງ) ກ່ອນ​ວັນ​ທ​ີ 25/4/2015.
ແລະ​ກໍ​ໃນຕອນ​ບ່າຍ​ວັນ​ທີ 5/1, ກະ​ຊວງ​ຍຸ​ຕິ​ທຳ​ໄດ້​ສົມ​ທົບ​ກັບ​ຫ້ອງວ່າ​ການ​ລັດ​ຖະ​ບານ​ຈັດ​ພິ​ທີ​ປະ​ກາດ​ແຜນ​ການ​ຂອງ​ລັດ​ຖະ​ບານ​ກ່ຽວ​ກັບ​ການ​ຈັດ​ຕັ້ງ​ຮັບ​ເອົາ​ຄຳ​ເຫັນ​ຂອງ​ປະ​ຊາ​ຊົນ​ທີ່​ມີ​ຕໍ່​ຮ່າງ​ປະ​ມວນ​ກົດ​ໝາຍ​ແພ່ງ​ສະ​ບັບ​ປັບ​ປຸງ. ກ່າວ​ຄຳ​ເຫັນທີ່ພິ​ທີ່​ປະ​ກາດ, ທ່ານ​ຮອງ​ນາ​ຍົກ​ລັດ​ຖະ​ມົນ​ຕີ​ຫວຽດ​ນາມ ຫງວຽນ​ຊວນ​ຟຸກ ໄດ້​ເນັ້ນ​ໜັກ​ເຖິງ​ຄວາມ​ສຳ​ຄັນ ກໍ​ຄື​ຜົນ​ກະ​ທົບ​ຂອງ ປະ​ມວນ​ກົດ​ໝາຍ​ແພ່ງທີ່ມ​ີ​ຕໍ່​ຊີ​ວິດ​ການ​ເປັນ​ຢູ່​ຂອງ​ປະ​ຊາ​ຊົນ, ພ້ອມ​ທັງ​ສະ​ເໜີ​ບັນ​ດາ​ກະ​ຊວງ, ຂະ​ແໜງ​ການ, ແຂວງ, ນະ​ຄອນ​ຄວນ​ຮີບ​ເຮັ່ງ​ຜັນ​ຂະ​ຫຍາຍ​ເນື້ອ​ໃນ​ຮັບ​ເອົາ​ຄຳ​ເຫັນ​ກ່ຽວ​ກັບ ປະ​ມວນ​ກົດ​ໝາຍ​ແພ່ງທີ່​ສຳ​ຄັນ​ນີ້.