ໂດຍເຮັດໃຫ້ ເນື້ອໃນຂໍ້ຕົກລົງດັ່ງກ່າວມີຄວາມຈະແຈ້ງກ່ວາເພື່ອໃຫ້ປະຊາຊົນເຂົ້າໃຈຢ່າງຖືກຕ້ອງ, ທ່ານຮອງນາຍົກລັດຖະມົນຕີຫວຽດນາມຫວູດຶກດາມເນັ້ນໜັກວ່າເລື່ອງທ່ານນາຍົກລັດຖະມົນຕີຫງວຽນຊວັນຟຸກລົງນາມຂໍ້ຕົກລົງປະກາດໂລກລະບາດໃນທົ່ວໂລກລວມມີ 3 ເປົ້າໝາຍຕົ້ນຕໍແມ່ນ:

ທີ 1 ແມ່ນເພື່ອໃຫ້ທົ່ວລະບົບການເມືອງເປັນຈິດໜຶ່ງໃຈດຽວກັນ, ເຮັດໃຫ້ເພີ່ມທະວີນ້ຳໃຈ, ຄວາມຮັບຜິດຊອບຂອງບັນດາກຳລັງສະກັດກັ້ນໂລກລະບາດໃນແຕ່ລະທ້ອງຖິ່ນ, ແຕ່ລະຂະແໜງ. ທີ 2 ແມ່ນເພື່ອໃຫ້ປະຊາຊົນຮັບຮູ້ຄວາມຮັບຜິດຊອບຂອງຕົນຢ່າງຈະແຈ້ງກ່ວາອີກໃນການເຂົ້າຮ່ວມປະຕິບັດບັນດາຄຳຊີ້ນຳຂອງພັກ, ລັດແລະການແນະນຳຂອງຂະແໜງສາທາລະນະສຸກ, ເພື່ອໃຫ້ປະຊາຊົນແຕ່ລະຄົນລ້ວນແຕ່ແມ່ນນັກຮົບທີ່ເຂົ້າຮ່ວມການສະກັດກັ້ນໂລກລະບາດຢ່າງແທ້ຈິງ. ທີ 3, ແມ່ນພາຍຫຼັງທ່ານນາຍົກລັດຖະມົນຕີລົງນາມຂໍ້ຕົກລົງວ່າດ້ວຍການປະກາດໂລກລະບາດໃນທົ່ວປະເທດໝາຍຄວາມວ່າທຸກໆກຳລັງເຂົ້າຮ່ວມການສະກັດກັ້ນໂລກລະບາດໃນທົ່ວປະເທດໄດ້ຊົມໃຊ້ລະບອບ, ນະໂຍບາຍໃນໄລຍະສະກັດກັ້ນໂລກລະບາດ.