.jpg)
(ເວທີປາໄສກົດໝາຍອາຊຽນ)
(vovworld)- ຕອນເຊົ້າ ວັນທີ 14/11, ຢູ່ຮ່າໂນ້ຍ, ກະຊວງຍຸດຕິທຳຫວຽດນາມ ໄດ້ຈັດຕັ້ງເວທີປາໄສກົດໝາຍອາຊຽນ ດ້ວຍຫົວຂໍ້ “ບາງສົນທິສັນຍາຂອງກອງປະຊຸມລາໄຮ ກ່ຽວກັບກົດໝາຍສາກົນ ທີ່ກ່ຽວພັນກັບອາຊຽນ”. ຕາງໜ້າບັນດາປະເທດສະມາຊິກອາຊຽນ, ຄະນະປະຈຳກອງປະຊຸມລາໄຮ ແລະ ຄະນະເລຂາອາຊຽນ ເຂົ້າຮ່ວມກອງປະຊຸມ.
ກ່າວຄວາມເຫັນເປີດເວທີປາໄສ, ທ່ານ ຫງວຽນແຂງຫງ໋ອກ ຮອງລັດຖະມົນຕີກະຊວງຍຸດຕິທຳ ຢືນຢັນວ່າ: ໃນຊຸມປີຜ່ານມາ, ການຮ່ວມມື ລະຫວ່າງ ບັນດາປະເທດສະມາຊິກອາຊຽນ ມີບາດກ້າວທີ່ສຳຄັນ, ນັບມື້ນັບແທດຈິງ, ຮອບດ້ານ ໃນຫຼາຍຂົງເຂດ. ຮອດປັດຈຸບັນ, ອາຊຽນ ມີ 4 ປະເທດ ເປັນສະມາຊິກ ຂອງກອງປະຊຸມລາໄຮ ດ້ວຍຈຳນວນສົນທິສັນຍາ ທີ່ບັນດາປະເທດອາຊຽນເຂົ້າຮ່ວມ ແມ່ນ 12 ສົນທິສັນຍາ. ບັນດາບາດກ້າວນີ້ ໄດ້ສ້າງພື້ນຖານດ້ານນິຕິກຳສາກົນ ໃຫ້ແກ່ການຮ່ວມມືໃນຂົງເຂດຍຸດຕິທຳສາກົນ ລະຫວ່າງ ບັນດາປະເທດອາຊຽນ ກັບສາກົນໂດຍກົງ ກໍ່ຄືໃນປະຊາຄົມອາຊຽນ.
ຫວຽດນາມ ກາຍເປັນສະມາຊິກກອງປະຊຸມລາໄຮ ໃນປີ 2013; ເຂົ້າຮ່ວມສົນທິສັນຍາລາໄຮ ປີ 1993 ກ່ຽວກັບການປົກປັກຮັກສາເດັກນ້ອຍ ແລະ ການຮ່ວມມື ໃນຂົງເຂດລ້ຽງລູກລ້ຽງສາກົນ ໃນ ປີ 2011 ແລະ ສົນທິສັນຍາລາໄຮ ກ່ຽວກັບການສົ່ງອອກຕ່າງປະເທດ ໜັງສືທີ່ກ່ຽວຂ້ອງເຖິງກົດໝາຍ ແລະ ບໍ່ກ່ຽວຂ້ອງເຖິງກົດໝາຍ ໃນຂົງເຂດພົນລະເຮືອນ ແລະ ການຄ້າ ໃນ ປີ 2016. ພ້ອມນັ້ນ, ຫວຽດນາມ ກໍ່ພວມຍູ້ແຮງການເຄື່ອນໄຫວຄົ້ນຄ້ວາຄວາມສາມາດ ເຂົ້າຮ່ວມບັນດາສົນທິສັນຍາອື່ນໆ ຂອງກອງປະຊຸມລາໄຮ ທີ່ກ່ຽວຂ້ອງໂດຍກົງ ເຖິງການຮ່ວມມືດ້ານກົດໝາຍ ແລະ ດ້ານຍຸດຕິທຳ ເຊັ່ນສົນທິສັນຍາ ກ່ຽວກັບຍົກເວັ້ນການຫັນໜັງສື ໃຫ້ຖືກຕ້ອງຕາມກົດໝາຍ, ສົນທິສັນຍາເກັບໂຮມຫຼັກຖານ, ສົນທິສັນຍາກ່ຽວກັບບັນດາແງ່ມູນ ຂອງການຫຼອກຈັບຕົວເດັກນ້ອຍ. ດັ່ງນັ້ນ, ເວທີປາໄສກົດໝາຍອາຊຽນ ໃນຄັ້ງນີ້ ແມ່ນໂອກາດ ເພື່ອໃຫ້ບັນດາປະເທດ ຍູ້ແຮງການຮ່ວມມືດ້ານກົດໝາຍ, ເປັນຕົ້ນແມ່ນໃນຂົງເຂດພົນລະເມືອງ ແລະ ການຄ້າ.