ທີ່ເວທີປາໄສ (ພາບ: moit.gov.vn)

        ຕອນບ່າຍວັນທີ 24 ພະຈິກ, ຢູ່ ຮ່າໂນ້ຍ, ຄະນະກຳມະການປະສົມກ່ຽວກັບການຮ່ວມມືດ້ານເສດຖະກິດ ແລະ ການຄ້າລະຫວ່າງ ຫວຽດນາມ ແລະ ລາຊະອານາຈັກ ອັງກິດ ໄດ້ຈັດ “ເວທີປາໄສວິສາຫະກິດ ຫວຽດນາມ - ລາຊະອານາຈັກ ອັງກິດ 2023”. ນີ້ແມ່ນເຫດການນອນໃນບັນດາການເຄື່ອນໄຫວສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ລາຊະອານາຈັກ ອັງກິດ  ແລະ ອຽກລັງເໜືອ (1973 – 2023).

        ກ່າວຄຳເຫັນທີ່ເວທີປາໄສ, ທ່ານ ຕ້າຮ່ວາງລິງ, ຫົວໜ້າກົມຕະຫຼາດ ເອີລົບ - ທະວີບອາເມລິກາ, ກະຊວງອຸດສາຫະກຳການຄ້າ ຫວຽດນາມ, ໃຫ້ຮູ້ວ່າ, ການຄ້າ 2 ສົ້ນ ຫວຽດນາມ - ອັງກິດ ຍັງສືບຕໍ່ແມ່ນຈຸດພົ້ນເດັ່ນເມື່ອຍອດວົງເງິນສົ່ງອອກ - ນຳເຂົ້າ 2 ສົ້ນໃນ 10 ເດືອນຂອງປີ 2023 ບັນລຸ 5,87 ຕື້ USD, ເພີ່ມຂຶ້ນ 1,6% ເມື່ອທຽບໃສ່ໄລຍະດຽວກັນຂອງປີ 2022. ສິ່ງທີ່ໜ້າສົນໃຈ, ມີຫຼາຍຜະລິດຕະພັນຫຼັກຂອງ ຫວຽດນາມ ສົ່ງໄປຍັງ ອັງກິດ ບັນລຸການເຕີບໂຕທີ່ດີ.

        ສັນຍາການຄ້າເສລີ ຫວຽດນາມ - ລາຊະອານາຈັກ ອັງກິດ (UKVFTA), ເລີ່ມມີຜົນສັກສິດແຕ່ວັນທີ 01 ພຶດສະພາ 2021, ໄດ້ສ້າງກຳລັງໜູນນຢ່າງແຮງ ເພື່ອຊຸກຍູ້ການຄ້າ ແລະ ການລົງທຶນລະຫວ່າງ 2 ປະເທດ. ທ່ານນາງ ຫງວຽນແຄງງອັກ, ຮອງຫົວໜ້າກົມຕະຫຼາດ ເອີລົບ - ທະວີບອາເມລິກາ, ກະຊວງອຸດສາຫະກຳການຄ້າ, ໃຫ້ຮູ້ວ່າ:

        “ຍ້ອນສັນຍາ FTA ລະຫວ່າງ ຫວຽດນາມ ແລະ ລາຊະອານາຈັກ ອັງກິດ ມີຜົນສັກສິດນັ້ນ, ໃນຮອບເວລາ 2 ປີເຄິ່ງຜ່ານມາ, ລາຊະອານາຈັກ ອັງກິດ ແມ່ນປະເທດທີ່ມີໂຄງການໃໝ່ຫຼາຍທີ່ສຸດໃນບັນດາປະເທດລົງທຶນຢູ່ ຫວຽດນາມ. ລະອຽດແມ່ນມີ 129 ໂຄງການໄດ້ຮັບໃບອະນຸຍາດ ດ້ວຍຍອດເງິນລົງທຶນແມ່ນ 360 ລ້ານ USD”.

        ທ່ານ David Johnstone, ຫົວໜ້າພາກສ່ວນປະຕິບັດບັນດາສັນຍາການຄ້າເສລີ (FTA), ຂຶ້ນກັບກະຊວງທຸລະກິດ ແລະ ການຄ້າລາຊະອານາຈັກ ອັງກິດ, ໃຫ້ຂໍ້ສັງເກດວ່າ, ເລື່ອງຫວ່າງມໍ່ໆມານີ້ ອັງກິດ ລົງນາມໃນຂໍ້ຕົກລົງເຂົ້າຮ່ວມສັນຍາຄູ່ຮ່ວມມືຮອບດ້ານ ແລະ ກ້າວໜ້າຂ້າມປາຊີຟິກ (CPTPP) ຈະສ້າງກຳລັງແຮງຫຼາຍກວ່າໃຫ້ແກ່ການຄ້າ, ການລົງທຶນລະຫວ່າງ ຫວຽດນາມ ແລະ ອັງກິດ.