ກ່າວຄຳເຫັນທີ່ເວທີປາໄສ, ທ່ານນາຍົກລັດຖະມົນຕີ ຫງວຽນຊວນຟຸກ ໃຫ້ຮູ້ວ່າ, ຊູແອດ ພວມມີ 34 ໂຄງການລົງທຶນເຂົ້າຫວຽດນາມ, ດ້ວຍຍອດມູນຄ່າບັນລຸກວ່າ 350 ລ້ານ USD, ຢືນອັນດັບທີ 34/130 ປະເທດ ແລະ ເຂດແຄ້ວນທີ່ລົງທຶນເຂົ້າຫວຽດນາມ. ມີຫຼານບໍລິສັດນາໆຊາດໃຫຍ່ຂອງຊູແອດ ຫຼາຍແຫ່ງປະສົບຜົນສຳເລັດໃນການດຳເນີນທຸລະກິດຢູ່ຫວຽດນາມ ຄື: ABB (ເຄື່ອງອຸປະກອນໄຟຟ້າ), Ericsson (ໂທລະຄົມມະນາຄົມ), Volvo (ລົດໂອໂຕ)… ຫວຽດນາມ ແມ່ນຕະຫຼາດທີ່ດຶງດູດໃຈສຳລັບບັນດາວິສາຫະກິດຊູແອດ. ທ່ານນາຍົກລັດຖະມົນຕີ ຫວຽນຊວນຟຸກ, ກ່າວວ່າ.

        “ຍາມໃດຫວຽດນາມ ກໍ່ຖືຊູແອດ ແມ່ນຄູ່ຮ່ວມມືສຳຄັນແຖວໜ້າໃນນະໂຍບາຍການຕ່າງປະເທດຂອງຕົນ ແລະ ກົງກັນຂ້າມ ຊູແອດ ກໍ່ຈັດຫວຽດນາມ ເຂົ້າໃນທີ່ຕັ້ງສຳຄັນແຖວໜ້າຂອງເຂດອາຊີຕາເວັນອອກສ່ຽງໃຕ້. ເມື່ອຮ່ວມມືກັບວິສາຫະກິດຊູແອດ, ສິນຄ້າຂອງຫວຽດນາມ ສາມາດເຂົ້າຮ່ວມລະບົບຈຳໜ່າຍກ້າວເຂົ້າສູ່ຕະຫຼາດສະຫະພາບເອີລົບ - ອີຢູ ທີ່ກວ້າງໃຫຍ່, ກົງກັນຂ້າມ, ເມື່ອລົງທຶນຢູ່ຫວຽດນາມ ບັນດາວິສາຫະກິດຊູແອດ ອາດຈະສຳຜັດກັບຕະຫຼາດອາຊຽນ ທີ່ຂະຫຍັນຂັນເຄື່ອນ. ບັນດາວິສາຫະກິດນັ້ນແມ່ນບັນດາເຈົ້າຂອງ, ຜູ້ນຳໜ້າໃນການປະຕິບັດການຮ່ວມມືລະຫວ່າງ 2 ປະເທດ”.

        ສ່ວນທ່ານນາຍົກລັດຖະມົນຕີຊູແອດ Stefan Lofven ກໍ່ໄດ້ສະແດງຄວາມປະທັບໃຈຕໍ່ກັບເລື່ອງວິສາຫະກິດຫວຽດນາມ ເຂົ້າຮ່ວມເວທີປາໄສເປັນຈຳນວນຫຼວງຫຼາຍ. ສິ່ງດັ່ງກ່າວສະແດງໃຫ້ເຫັນການພົວພັນລະຫວ່າງ 2 ປະເທດພວມກ້າວເຂົ້າສູ່ໜ້າປະຫວັດສາດໃໝ່. ທີ່ເວທີປາໄສ, ທ່ານນາຍົກລັດຖະມົນຕີຊູແອດ ກໍ່ຍົກອອກກາລະໂອກາດຮ່ວມມືລະຫວ່າງວິສາຫະກິດ 2 ປະເທດ ໃນບັນດາຂົງເຂດຄື: ຄົມມະນາຄົມ, ສາທາລະນະສຸກ, ເຕັກໂນໂລຊີຂໍ້ມູນຂ່າວສານ.

        ທີ່ເວທີປາໄສ, ນາຍົກລັດຖະມົນຕີ 2 ທ່ານ ພ້ອມກັນເປັນສັກຂີພິຍານພິທີລົງນາມໃນເອກະສານຮ່ວມມືຈະນວນໜຶ່ງລະຫວ່າງວິສາຫະກິດ 2 ປະເທດ.