ເວເນຊູເອລາສິ້ນສຸດບັ້ນຫາສຽງເລືອກຕັ້ງ ປະທານາທິບໍດີ
ທ່ານ Nicolas Maduro ແລະ ທ່ານ Henrique Capriles
(ພາບ:nguyentandung.org)
(vovworld)- ບັ້ນຂົນຂວາຍຫາສຽງເລືອກຕັ້ງປະທານາທິບໍດີເວເນຊູເອລາ ໄດ້ສິ້ນສຸດລົງໃນວັນທີ 11/4, ໃນນັ້ນ, ທ່ານ Nicolas Maduro ຮັກສາການປະທານາທິບໍດີ ແລະ ທ່ານ Henrique Capriles ຜູ້ວ່າການລັດ Mirinda ຊື່ງແມ່ນຜູ້ອອກສະໝັບຮັບເລືອກຕັ້ງເດັ່ນກ່ວາໝູ່ ໄດ້ມີບັນດາການເຄື່ອນໄຫວຂົນຂວາຍຢ່າງຮີບເຮັ່ງ ແລະ ລຽນຕິດດ້ວຍຈຸດໝາຍກາຍເປັນຜູ້ນຳປະເທດອາເມລິກາໃຕ້ ນີ້ໃນຮອບເວລາ 6 ປີຂ້າງໜ້າ. ວັນທີ 11/4, ກ່າວຄຳເຫັນທີ່ນະຄອນຫຼວງ Caracas ຕໍ່ຫນ້າຜູ້ສະໜບັສະໜູນນັບລ້ານໆຄົນ, ທ່ານ Nicolas Maduro ຮັກສາການປະທານາທິບໍດີ ໄດ້ຮຽກຮ້ອງໃຫ້ປະຊາຊົນໄປປ່ອນບັດ ແລະ ຢືນຢັນວ່າ ຖ້າໄດ້ຮັບໄຊຊະນະ, ທ່ານຈະນຳພາປະເທດຊາດສືບຕໍ່ການປະຕິວັດເພື່ອຄວາມຍຸດຕິທຳ ແລະ ຄວາມກ້າວໜ້າທາງສັງຄົມ ໂດຍອະດີດປະທານາທິບໍດີ Hugo Chavez ເປັນຜູ້ລິເລີ່ມ. ໃນຂະນະນັ້ນ, ທ່ານ Henrique Capriles ຄູ່ແຂ່ງຂອງທ່ານ Nicolas Maduro ໄດ້ຈັດງານຊຸມນຸມິດຕິງຮຽກຮ້ອງປະຊາຊົນປ່ອນບັດໃຫ້ແກ່ຕົນ ແລະ ໃຫ້ຄຳໝັ້ນສັນຍາວ່າ ຈະນຳມາເຊິ່ງກາລະໂອກາດໃຫ້ປະຊາຊົນທຸກຊັ້ນວັນນະ, ເພີ່ມເງິນເດືອນພື້ນຖານ, ຢຸດຕິສະພາ “ສະໜອງ“ ນ້ຳມັນບໍ່ໃຫ້ຕ່າງປະເທດ….ການເລືອກຕັ້ງປະທານາທິບໍດີເວເນຊູເອລາ ຈະດຳເນີນໃນວັນທີ 14/4 ຈະມາເຖິງ.