ພາບປະກອບ: TTXVN

ໂລກລະບາດໂຄວິດ - 19 ໄດ້ກໍ່ຜົນກະທົບຢ່າງຮ້ານແຮງໃຫ້ແກ່ພື້ນຖານເສດຖະກິດໂລກ. ເຖິງຢ່າງໃດກໍ່ຕາມ, ຫວຽດນາມ ຍັງມານະພະຍາຍາມຮັກສາລະດັບການເຕີບໂຕ GDP ເພີ່ມຂຶ້ນ, ພິເສດລະດັບສົ່ງອອກບັນລຸໄດ້ສະຖິຕິໃໝ່, ເຂົ້າໃນກຸ່ມ 20 ພື້ນຖານເສດຖະກິດແຖວໜ້າດ້ານການຄ້າສາກົນ. ໃນບົດຂຽນທີ່ຫາກໍ່ໄດ້ຄັດສະເໜີ, ສຳນັກຂ່າວສານ Sputnik (ລັດເຊຍ) ໄດ້ຄາດຄະເນວ່າໃນປີ 2022, ປະກອບຄຳເຫັນຂອງ ທະນາຄານໂລກ (WB), ທະນາຄານການພັດທະນາອາຊີ (ADB), ບໍລິສັດຫຸ້ນສ່ວນຫຼັກຊັບ VNDIRECT ແລະ ບັນດານັກຊຽວຊານ, ນັກລົງທຶນ, ໄດ້ສະແດງຄວາມປະເອີບໃຈກ່ຽວກັບຄວາມບົ່ມຊ້ອນການເຕີບໂຕເສດຖະກິດຂອງ ຫວຽດນາມ ດ້ວຍບັນດາກຳລັງໜູນຊຸກຍູ້ GDP ຟື້ນຟູຢ່າງແຮງຄື ການສົ່ງອອກ, ການໃຊ້ສອຍພາຍໃນປະເທດ, ດຶງດຸດ FDI, ບັນດານະໂຍບາຍຢ່າງທັນການ, ມີປະສິດທິຜົນຈາກລັດຖະບານພາຍໃຕ້ຄວາມຊີ້ນຳຂອງທ່ານນາຍົກລັດຖະມົນຕີ ຟ້າມມິງຈິງ. ບົດຂຽນນີ້ໄດ້ຄັດສະເໜີຄຳເຫັນຂອງຜູ້ອຳນວຍການທະນາຄານການພັດທະນາອາຊີ (ADB) ປະຈຳ ຫວຽດນາມ, ທ່ານ Andrew Jefferies ໄດ້ສະແດງຄວາມປະເອີບໃຈກ່ຽວກັບຄວາມບົ່ມຊ້ອນການເຕີບໂຕເສດຖະກິດຂອງ ຫວຽດນາມ. ທ່ານ Jefferies ເອົາໃຈໃສ່ໃນປີ 2022, ພາກພື້ນ ອາຊີ ຈະໄດ້ເປັນສັກຂີພິຍານແກ່ການຟື້ນຟູການສົ່ງອອກຢ່າງລື່ນກາຍ ແລະ ຫວຽດນາມ ແມ່ນປະເທດທີ່ໄດ້ສືບຕໍ່ຍາດແຍງໂອກາດເພື່ອເພີ່ມຄວາມໄວໃນການສົ່ງອອກ.