ຕາມບົດລາຍງານ ໂດຍຫ້ອງການງົບປະມານສະພາແຫ່ງຊາດ (CBO) ອາເມລິກາ ຖະແຫຼງໃນວັນທີ 28 ມັງກອນ ວ່າ ເສດຖະກິດ ອາເມລິກາ ຖືກເສຍຫາຍປະມານ 11 ຕື້ USD ຍ້ອນລັດຖະບານປິດປະຕູສ່ວນໜຶ່ງພາຍໃນເວລາ 5 ອາທິດ. ເຖິງຢ່າງໃດກໍຕາມ, CBO ຄາດວ່າ ພື້ນຖານເສດຖະກິດແຖວໜ້າໃນໂລກນີ້ ຈະຊອກວິທີເພື່ອ “ສ້າງລາຍຮັບ” 8 ຕື້ USD ເມື່ອ ລັດຖະບານເປີດປະຕູເຄື່ອນໄຫວຄືນໃໝ່. ກໍຕາມບົດລາຍງານຂອງ CBO ແລ້ວ, ຜົນເສຍຫາຍຈາກສະພາບການລັດຖະບານປິດປະຕູສ່ວນໜຶ່ງນັ້ນ ໄດ້ເຮັດໃຫ້ຂອບເຂດຂອງພື້ນຖານເສດຖະກິດໃນປີ 2019 ຫຼຸດລົງ 0,02% ເມື່ອທຽບໃສ່ຕົວເລກຄາດຄະເນທີ່ໄດ້ຍົກອອກມາເມື່ອກ່ອນນີ້. ບົດລາຍງານຂອງ CBO ໄດ້ຍົກອອກມາໃນສະພາບການລັດຖະບານ ອາເມລິກາ ໄດ້ເປີດປະຕູຄືນໃໝ່ ພາຍຫຼັງການປິດປະຕູມາເປັນເວລາ 5 ອາທິດ.