(vovworld) - ທີ່ການ​ປະຊຸມ​ຂ່າວ​ປະຈຳ​ເດືອນ ພາຍຫຼັງ​ກອງ​ປະຊຸມສະ​ໄໝ​ສາມັນ​ປະຈຳ​ເດືອນ 11 ຂອງ​ລັດຖະບານ​ຫວຽດນາມ, ​ເຊິ່ງດຳ​ເນີນ​ໄປ​ໃນ​ວັນ​ທີ 02/12, ຢູ່​ຮ່າ​ໂນ້ຍ, ທ່ານ​ລັດຖະມົນຕີ, ຫົວໜ້າ​ຫ້ອງ​ວ່າການ​ລັດຖະບານຫວຽດນາມ ຫງວຽນ​ວັນ​ເນັນ ​ໃຫ້​ຮູ້​ວ່າ: ​ໂດຍ​ອີ່​ງ​ໃສ່​ບັນດາ​ສັນຍານ​ທີ່​ປະ​ເອີ​ບ​ໃຈຂອງ​ສະພາບ​ເສດຖະກິດ, ສັງຄົມ​ໃນ​ເດືອນ 11 ​ແລະ 11 ​ເດືອນ​ໃນ​ປີ 2013, ລັດຖະບານ​ໄດ້​ໃຫ້​ຂໍ້​ສັງ​ເກດ​ວ່າ ​ເບິ່ງ​ລວມ​ແລ້ວ​ພື້ນຖານ​ເສດຖະກິດ​ເລີ່ມ​ມີ​ສັນຍານ​ພັດທະນາ​ດີ. ບັນດາ​ສະມາຊິກ​ລັດຖະບານ ​ໄດ້​ເປັນ​​ເອກະ​ພາບ​ນ​ຳກັນ​ບັນດາ​ມາດ​ຕະການ​ຈຳ​ເປັນ​ຕ້ອງ​ປະຕິບັດ​ໃນ​ເດືອນ 12 ​ເພື່ອ​ສຳ​ເລັດ​ແຜນການ​ຂອງ​ປີ 2013, ​ໃນ​ນັ້ນ​ມີ​ບັນດາ​ມາດ​ຕະການ​ສຳຄັນ, ​ໂດຍ​ສະ​ເພາະ​ແມ່ນ​ຈຳກັດ​ການ​ເພີ່ມ​ລາຄາ ​ເພື່ອ​ຮັບປະກັນ​ໃຫ້​ປະຊາຊົນ​ຕ້ອນຮັບ​ບຸນປີ​ໃໝ່ດ້ວຍ​ຄວາມ​ມ່ວນ​ຊື່ນ, ປະຢັດ ​ແລະ ປອດ​ໄພ.

        ທ່ານ​ລັດຖະມົນຕີ, ຫົວໜ້າ​ຫ້ອງ​ວ່າການ​ລັດຖະບານ ຫງວຽນ​ວັນ​ເນັນ ​ໃຫ້​ຮູ້​ວ່າ, ​ໃນ​​ເດືອນ 12/2013 ​ແລະ ຕົ້ນ​ປີ 2014, ລັດຖະບານ​ຮຽກຮ້ອງ​ໃຫ້​ບັນດາ​ກະຊວງ, ຂະ​ແໜງ​ການ​ທ້ອງ​ຖິ່ນ ສຸມ​ໃສ່​ແກ້​ໄຂ​ທຸກ​ຄວາມ​ຫຍຸ້ງຍາກ, ຍູ້​ແຮງ​ລະດັບ​ຄວາມ​ຄືບ​ໜ້າການ​ປ່ອຍ​ເງິນ​ແກ່​ບັນດາ​ກິດຈະກຳ​ກໍ່ສ້າງ​ທີ່​ຮີບ​ດ່ວນ​ໃນ​ຈຸດ​ເວລາ​ທ້າຍ​ປີ; ປະຕິບັດ​ບັນດາ​ມາດ​ຕະການ​ແກ້​ໄຂ​ຄວາມ​ຫຍຸ້ງຍາກ​ໃຫ້​ແກ່​ການຜະລິດ​ດຳ​ເນີນ​ທຸລະ​ກິດຢ່າງ​ຄົບ​ຊຸດ ​ແລະ ມີ​ປະສິດທິ​ຜົນ​.... ​ເມື່ອ​ຕອບ​ສຳພາດ​ຕໍ່​ນັກ​ຂ່າວ​ກ່ຽວ​ກັບ​ເລື່ອງ​ສ້າງ​ໂຄງ​ປະກອບ​ໜີ້​ສິນ​​ຄືນ​ໃໝ່ໃຫ້​ປະຊາຊົນ ​ແລະ ວິ​ສາ​ຫະກິດ​ຢູ່​​ພາກ​ກາງ ຊຶ່ງຖືກ​ເສຍ​ຫາຍ​ຍ້ອນ​ໄພ​ທຳ​ມະ​ຊາດ​ໃນ​ໄລຍະ​ຜ່ານ​ມາ, ທ່ານ​ຮອງ​ຜູ້​ວ່າການ​ທະນາຄານ​ແຫ່ງ​ລັດ​ຫວຽດນາມ ຫງວຽນ​ດົ່ງ​ຕ໋ຽນ ​ໃຫ້​ຮູ້​ວ່າ.

        “ພວກ​ຂ້າພະ​ເຈົ້າ​ຕີ​ລາຄາ​ວ່າ ມີ​ປະມານ 10 ​ແຂວງ​ຖືກ​ເສຍ​ຫາຍ​ທີ່ກ່ຽວຂ້ອງ​ເຖິງ​ບັນດາ​ບ້ວງ​​ເງິນ​ກູ້ທະນາຄານ ດ້ວຍ​ຈຳນວນ​ເງິນ​ປະມານ 1500 ຕຶ້ດົງ. ​ໂດຍປະຕິບັດ​ການ​ຊີ້​ນຳ​ຂອງ​ທະນາຄານ​ແຫ່ງ​ລັດນັ້ນ ລະບົບ​ທະນາຄານ​ການ​ຄ້າ​ໄດ້ສ້າງໂຄງ​ປະກອບ​ໜີ້ສິນຄືນໃໝ່ລວມປະມານ 300 ຕື້​ດົງ, ສຳລັບ​ບັນດາ​ບ້ວງ​ໜີ້​ສິນຖືກ​ເສຍ​ຫາຍ​ໄດ້​ຫຼຸດຜ່ອນ ​ແລະ ຍົກ​ເວັ້ນການ​ເກັບ​ດອກ​ເບ້ຍ​ປະມານ 200 ຕື້​ດົງ. ພິ​ເສດ​​ແມ່ນ​ບັນດາ​ທະນາຄານ​ການ​ຄ້າ​ແຫ່ງ​ລັດ ​ໄດ້​ຜັນ​ຂະຫຍາຍ​ບັນດາ​ບ້ວງ​ເງິນ​​ໃຫ້ກູ້​ຢືມ​ໃໝ່ ​ເພື່ອ​ນຳ​ຊີວິດ​ການ​ເປັນ​ຢູ່​ຂອງພໍ່​ແມ່​ປະຊາຊົນ​ຢູ່​ບັນດາ​ເຂດ​ຖືກ​ເສຍ​ຫາຍກັບ​ຄືນ​ສູ່ເປັນ​ປົກກະຕິ​”.