(VOVWORLD) - ທ່ານ Adani ໃຫ້ຮູ້ວ່າ “ທ່ານໄດ້ຮັບແຮງບັນດານໃຈຈາກວິວັດທະນາການ startup ອັນພິເສດຂອງທ່ານ ຟ້າມເຍີດເວື້ອງ ແລະ ປຶກສາຫາລືກ່ຽວກັບບັນດາໂອກາດບົ່ມຊ້ອນລະຫວ່າງ ອິນເດຍ ກັບ ຫວຽດນາມ.”
 ທ່ານ Gautam Adani, ປະທານກຸ່ມບໍລິສັດຫຼາຍຂະແໜງ Adani Group ແລະ ທ່ານ ຟ້າມເຍີດເວື້ອງ, ປະທານກຸ່ມບໍລິສັດ Vingroup, ຫວຽດນາມ (ພາບ:The Week) |
ວັນທີ 8 ພະຈິກ, ເສດຖິເງິນຕື້ ອິນເດຍ ທ່ານ Gautam Adani, ປະທານກຸ່ມບໍລິສັດຫຼາຍຂະແໜງ Adani Group, ໄດ້ພົບປະກັບທ່ານ ຟ້າມເຍີດເວື້ອງ, ປະທານກຸ່ມບໍລິສັດ Vingroup, ຫວຽດນາມ. ໃນສື່ສັງຄົມອອນໄລ X, ທ່ານ Adani ໃຫ້ຮູ້ວ່າ “ທ່ານໄດ້ຮັບແຮງບັນດານໃຈຈາກວິວັດທະນາການ startup ອັນພິເສດຂອງທ່ານ ຟ້າມເຍີດເວື້ອງ ແລະ ປຶກສາຫາລືກ່ຽວກັບບັນດາໂອກາດບົ່ມຊ້ອນລະຫວ່າງ ອິນເດຍ ກັບ ຫວຽດນາມ.”
ປັດຈຸບັນ, ກຸ່ມບໍລິສັດ Adani ພວມລົງທຶນເຂົ້າ 2 ໂຄງການພະລັງງານທົດແທນ ຢູ່ ຫວຽດນາມ. Adani ກໍໄດ້ຮັບຖືວ່າ ພວມຊອກຫາກຳລັງຄວາມສາມາດລົງທຶນປະມານ 3 ຕື້ USD ເຂົ້າໃນໂຄງການທ່າກ່ຳປັ່ນທະເລ ແລະ ພະລັງງານຢູ່ ຫວຽດນາມ.
ໃນຂະນະນັ້ນ, ບໍລິສັດ Vinfast ຜະລິດລົດໂອໂຕໄຟຟ້າຂອງທ່ານ ຟ້າມເຍີດເວື້ອງ ພວມກະກຽມແຊກຊຶມເຂົ້າຕະຫຼາດ ອິນເດຍ. ໃນໄລຍະຕົ້ນ, Vinfast ຈະນຳເຂົ້າລົດໂອໂຕໄຟຟ້າເພື່ອຂາຍຢູ່ຕະຫຼາດ ອິນເດຍ. ຫຼັງຈາກນັ້ນ, ກຸ່ມບໍລິສັດນີ້ ຈະຄິດໄລ່ເຖິງຄວາມສາມາດເປີດໂຮງງານຢູ່ປະເທດ ອິນເດຍ.
ຟານຕຸງ - ນັກຂ່າວ VOV ປະຈຳ ນິວເດລີ