(ພາບປະກອບ: dangcongsan.vn)

ປະຈຸບັນ, ທົ່ວປະເທດຫວຽດນາມ ມີສະຫະກອນກະສິກຳກວ່າ 17.000 ແຫ່ງ, ປະກອບ 4% ເຂົ້າຍອດຜະລິດຕະພັນພາຍໃນ (GDP) ຂອງທົ່ວປະເທດ. ບົດບາດຂອງສະຫະກອນບໍ່ພຽງແຕ່ປະກອບສ່ວນເຂົ້າໃນການເຕີບໂຕທາງດ້ານເສດຖະກິດເທົ່ານັ້ນ, ຫາກສຳຄັນກວ່າແມ່ນຊ່ວຍເພີ່ມລາຍຮັບໃຫ້ 30% ພົນລະເມືອງໃນທົ່ວປະເທດ.

        ໃນໄລຍະຜ່ານມາ, ລັດໄດ້ປະກາດໃຊ້ຫຼາຍນະໂຍບາຍໜູນຊ່ວຍການຊຸກຍູ້ການພັດທະນາບັນດາຮູບແບບສະຫະກອນຄື: ໜູນຊ່ວຍດ້ານທຶນຮ້ອນ, ບຳລຸງສ້າງແຫຼ່ງຊັບພະຍາກອນມະນຸດ, ສົ່ງເສີມການຄ້າ, ເປີດກວ້າງຕະຫຼາດ, ເຕັກນິກເຕັກໂນໂລຊີໃໝ່… ແຕ່ຍັງມີຂໍ້ຈຳກັດຫຼາຍຢ່າງ, ບໍ່ເໝາະສົມກັບຄວາມຕ້ອງການຕົວຈິງຂອງສະຫະກອນ. ທ່ານ ຟ້າມມິງດຽນ, ຮອງຫົວໜ້າຄະນະໂຍບາຍ ແລະ ພັດທະນາສະຫະກອນ, ສະຫະພັນສະຫະກອນຫວຽດນາມ, ຖືວ່າ:

        “ຕ້ອງຈັດແບ່ງງົບປະມານ, ແຫຼ່ງງົບປະມານຂອງລັດ ຕອບສະໜອງຄວາມຕ້ອງການທີ່ແທດຈິງເຂົ້າໃນເຂດເສດຖະກິດລວມໝູ່, ສະຫະກອນໃຫ້ເໝາະສົມກັບເປົ້າໝາຍແຫ່ງຊາດ. ເລື່ອງສ້າງລະບົບກົດໝາຍ, ນະໂຍບາຍໜູນຊ່ວຍກ່ຽວກັບເສດຖະກິດລວມໝູ່, ສະຫະກອນໃຫ້ໃກ້ຊິດ, ເໝາະສົມກັບກົນໄກການຕະຫຼາດ, ຮັບປະກັນລັກສະນະຄົບຊຸດມີຄວາມສາມາດເປັນໄປໄດ້ສູງ, ບົນພື້ນຖານນັ້ນ, ຄຸນນະທາດເສີມຂະຫຍາຍລັກສະນະເປັນເຈົ້າການ, ຮັບຜິດຊອບດ້ວຍຕົນເອງຂອງອົງການຈັດຕັ້ງເສດຖະກິດລວມໝູ່”.