ທ່ານຮອງນາຍົກລັດຖະມົນຕີຜູ້ປະຈຳການລັດຖະບານ ຫວຽດນາມ ຟ້າມບິ່ງມິນ (ພາບ: TTXVN)

ເສີມຂະຫຍາຍບົດບາດນຳໜ້າຂອງການຕ່າງປະເທດ, ຍົກສູງທີ່ຕັ້ງ ແລະ ອິດທິພົນຊື່ສຽງຂອງປະເທດຊາດ. ນັ້ນແມ່ນຄຳຢືນຢັນຂອງທ່ານຮອງນາຍົກລັດຖະມົນຕີຜູ້ປະຈຳການລັດຖະບານ ຫວຽດນາມ ຟ້າມບິ່ງມິນ ກ່ອນຈັດກອງປະຊຸມການຕ່າງປະເທດຜັນຂະຫຍາຍການປະຕິບັດມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIII ຂອງພັກກອມມູນິດ ຫວຽດນາມ ໃນວັນທີ 14 ທັນວາ, ຢູ່ ຮ່າໂນ້ຍ. ທ່ານຮອງນາຍົກລັດຖະມົນຕີ ຟ້າມບິ່ງມິນ ໃຫ້ຮູ້ວ່າ: ການປະຕິບັດແນວທາງການຕ່າງປະເທດເອກະລາດ, ເປັນເຈົ້າຕົນເອງ, ຫັນເປັນຫຼາຍຮູບຫຼາຍແບບ ແລະ ຫຼາຍຝ່າຍ, ເປັນເຈົ້າການ ແລະ ຕັ້ງໜ້າເຊື່ອມໂຍງເຂົ້າກັບສາກົນ, ຫວຽດນາມ ບັນລຸໄດ້ຜົນງານໃຫຍ່ຫຼວງຫຼາຍຢ່າງໃນວຽກງານການຕ່າງປະເທດ.

        ສະນັ້ນ, ຫວຽດນາມ ຄວນສຸມໃສ່ສ້າງພື້ນຖານດ້ານການທູດຢ່າງຮອບດ້ານ, ທັນສະໄໝ ດ້ວຍບັນດາເສົາຄ້ຳການທູດຂອງພັກ, ການທູດຂອງລັດ, ການທູດປະຊາຊົນ. ພ້ອມທັງ, ນຳການພົວພັນກັບບັນດາປະເທດເຂົ້າສູ່ລວງເລິກຢ່າງບໍ່ຢຸດຢັ້ງ, ໂດຍສະເພາະແມ່ນບັນດາປະເທດບ້ານໃກ້ເຮືອນຄຽງ, ຄູ່ຮ່ວມມືຍຸດສາດ, ຄູ່ຮ່ວມມືຮອບດ້ານ, ບັນດາປະເທດເພື່ອນມິດທີ່ເປັນມູນເຊື້ອ ບົນຈິດໃຈສະເໝີພາບ, ຕ່າງຝ່າຍຕ່າງມີຜົນປະໂຫຍດ, ເຄົາລົບເຊິ່ງກັນແລະກັນ ແລະ ສອດຄ່ອງກັບກົດໝາຍສາກົນ. ຫວຽດນາມ ກໍ່ສືບຕໍ່ຍູ້ແຮງ ແລະ ຍົກລະດັບການພົວພັນການຕ່າງປະເທດຫຼາຍຝ່າຍ; ເປັນເຈົ້າການ, ຕັ້ງໜ້າເສີມຂະຫຍາຍບົດບາດ, ປະກອບສ່ວນກໍ່ສ້າງ, ກຳນົດບັນດາລະບອບລະບຽບການຫຼາຍຝ່າຍ; ເສີມຂະຫຍາຍບົດບາດຢູ່ ອາຊຽນ, ສະຫະປະຊາຊາດ…; ສົມທົບການພົວພັນການຕ່າງປະເທດຂອງພັກ, ການພົວພັນຕ່າງປະເທດຂອງລັດ, ການທູດປະຊາຊົນຢ່າງແໜ້ນແຟ້ນ; ລະຫວ່າງການພົວພັນຕ່າງປະເທດ ກັບການປ້ອງກັນຊາດ, ປ້ອງກັນຄວາມສະຫງົບ ເພື່ອປົກປັກຮັກສາອະທິປະໄຕ ແລະ ຜືນແຜ່ນດິນອັນຄົບຖ້ວນຂອງປະເທດຊາດ.