(vovworld) – ວັນທີ 11/10, ຢ່າງໜ້ອຍສຸດມີ 38 ຄົນເສຍຊີວິດ ແລະ 54 ຄົນຖືກຮັບບາດເຈັບໃນເຫດວາງລະເບີດລົດໂອໂຕ 3 ຄັ້ງເພື່ອແນໃສ່ບັນດາເຂດຂອງຊາວ ມຸດສະລິມ ນິກາຍ Shi’ite ຢູ່ນະຄອນຫຼວງ ແບດແດດ. ຕຳຫຼວດໃຫ້ຮູ້ວ່າ: ລົດຄັນໜຶ່ງໄດ້ບັນຈຸລູກລະເບີດໄດ້ລະເບີດຂຶ້ນຢູ່ປ້ອມກວດກາຂອງຕຳຫຼວດຢູ່ Kadhimiyah, ພາກຕິດຕາເວັນຕົກ ແບດແດດ ເຮັດໃຫ້ 13 ຄົນເສຍຊີວິດ. ເຫດວາງລະເບີດອີກ 2 ຄັ້ງກໍ່ເກີດຂຶ້ນຄ້າຍຄືກັນຢູ່ເຂດຊຸມຊົນທີ່ຄັບຄາໜາແໜ້ນ ແລະ ຢູ່ປ້ອມກວດກາຄວາມສະຫງົບຢູ່ເມືອງ Shoala, ເຮັດໃຫ້ 25 ຄົນເສຍຊີວິດ ແລະ ອີກ 23 ຄົນຖືກຮັບບາດເຈັບ ແລະ ຮ້ານຂາຍເຄື່ອງຫຼາຍຮ້ານ ແລະ ລົດໂອໂຕຫຼາຍຄັນຖືກເປເພ. ປະຈຸບັນ, ບໍ່ມີກຸ່ມໃດກ່າວຮັບຜິດຊອບກໍ່ໃຫ້ເກີດເຫດການດັ່ງກ່າວ. ຕາມຕົວເລກຂອງ ສປຊ ແລ້ວ, ໄລ່ສະເພາະໃນເດືອນ 9, ມີຜູ້ເສຍຊີວິດ 1.110 ຄົນໃນການໃຊ້ຄວາມຮຸນແຮງຄັ້ງຕ່າງໆໃນທົ່ວປະເທດ ອີຣັກ.