ເອກວາດໍ, ຍີ່ປຸ່ນ, ມານຕາ, ໂມຊຳບິກ, ສະວິດ ໄດ້ຮັບການຄັດເລືອກເຂົ້າເປັນສະມາຊິກຂອງ ສະພາຄວາມໝັ້ນຄົງ ສປຊ
(VOVWORLD) -ວັນທີ 9 ມິຖຸນາ, ສະພາຄວາມໝັ້ນຄົງ ສປຊ ໄດ້ຄັດເລືອກ ເອກວາດໍ, ຍີ່ປຸ່ນ, ມານຕາ, ໂມຊຳບິກ ແລະ ສະວິດ ເປັນສະມາຊິກບໍ່ຖາວອນຂອງສະພາຄວາມໝັ້ນຄົງ ສປຊ ດ້ວຍອາຍຸການ 2 ປີ, ນັບແຕ່ວັນທີ 1 ມັງກອນ ປີ 2023ເປັນຕົ້ນໄປ.
 ກອງປະຊຸມສະພາຄວາມໝັ້ນຄົງ ສປຊ (ພາບ: AA/TTXVN) |
ທັງໝົດ 5 ປະເທດທີ່ກ່າວຂ້າງເທິງນັ້ນລ້ວນແຕ່ອອກສະໝັກເລືອກຕັ້ງ ແຕ່ບໍ່ຕ້ອງແກ້ງແຍ່ງກັນເພື່ອເຂົ້າເປັນສະມາຊິກຂອງ ສະພາຄວາມໝັ້ນຄົງ ສປຊ ລວມມີສະມາຊິກ 15 ປະເທດ, ເຊິ່ງແມ່ນອົງການໄດ້ມອບໝາຍໜ້າທີ່ໃຫ້ຮັບຜິດຊອບຮັກສາຄວາມໝັ້ນຄົງ ແລະ ສັນຕິພາບສາກົນ. ບັນດາປະເທດນີ້ຈະປ່ຽນແທນຕຳແໜ່ງຂອງ ປະເທດ ອິນເດຍ, ອຽກລັງ, ເຄນຢາ, ເມັກຊີໂກ ແລະ ນອກແວ. ເພື່ອຮັບປະກັນລັກສະນະຕາງໜ້າດ້ານພູມີປະເທດ, ບັນດາທີ່ນັ່ງຢູ່ ສະພາຄວາມໝັ້ນຄົງ ສປຊ ໄດ້ຈັດແບ່ງໃຫ້ແກ່ບັນດາກຸ່ມໃນພາກພື້ນ. ເຖິງວ່າບັນດາປະເທດອອກສະໝັກເລືອກຕັ້ງບໍ່ໄດ້ແກ້ງແຍ່ງກັນໃນພາກພື້ນຂອງຕົນກໍ່ຕາມ, ແຕ່ຍັງຕ້ອງໄດ້ຮັບການສະໜັບສະໜູນຂອງ ກ່ວາ 2/3 ຈຳນວນສະມາຊິກ ສະພາຄວາມໝັ້ນຄົງ ສປຊ.