(vovworld) – ຕອນ​ບ່າຍ​ວັນ​ທີ 21/3, ຢູ່​ຮ່າ​ໂນ້ຍ, ທ່ານ ຫວູຊວນ​ຮົ່ງ, ປະທານ​ສະຫະພັນ​ບັນດາ​ອົງການ​ມິດຕະພາບ ຫວຽດນາມ ​ໄດ້​ມອບ​ຫຼຽນ​ກາ​ທີ່​ລະນຶກ “​ເພື່ອ​ສັນ​ຕິພາບ, ມິດ​ຕະພາບ​ລະຫວ່າງ​ຊາດ” ມອບ​ໃຫ້​ທ່ານ Ng Teck Hean, ​ເອກ​ອັກຄະ​ລັດຖະທູດ​ວິສາມັນ ຜູ້​ມີ​ອຳນາດ​ເຕັມ​ແຫ່ງ ສິງ​ກະ​ໂປ ປະຈຳ ຫວຽດນາມ. ກ່າ​ວຄຳ​ເຫັນ​ທີ່​ພິທີ, ທ່ານ ຫວູຊວນ​ຮົ່ງ, ປະທານ​ສະຫະພັນ​ບັນດາ​ອົງການ​ມິດຕະພາບ ຫວຽດນາມ ​ໄດ້​ຕີ​ລາຄາ​ສູງບັນດາ​ການ​ປະກອບສ່ວນ​ຂອງ​ທ່ານ Ng Teck Hean ​ໃນ​ການ​ເພີ່​ມທະວີ​ການ​ພົວພັນ​ລະຫວ່າງ ຫວຽດນາມ ​ແລະ ສິງ​ກະໂປ ​ແລະ ເນັ້ນ​ໜັກ​ວ່າເລື່ອງ​ມອບ​ຫຼຽນກາ​ທີ່​ລະນຶກ​ເພື່ອ​ແນ​ໃສ່​ຮັບ​ຮູ້ ​ແລະ ​ເຊີດ​ຊູ​ບັນດາ​ການ​ປະກອບສ່ວນຢ່າງ​ຕັ້ງໜ້າ​ຂອງ​ທ່ານ​ເອກ​ອັກ​ຄະ​ລັດຖະທູດ  Ng Teck Hean ​ໃນ​ການ​ຊຸກຍູ້​ການ​ພົວພັນ​ຮ່ວມ​ມື​ມິດຕະພາບ​ລະຫວ່າງ 2 ປະ​ເທດ ຫວຽດນາມ ​ແລະ ສິງ​ກະ​​ໂປ​ໃນ​ອະ​ຍຸ​ການປະຕິບັດ​ວຽກ​ງານ​ກາ​ນທູດ​ຢູ່ ຫວຽດນາມ, ທ່ານ ຫວູຊວນ​ຮົ່ງ ປາດ​ຖະໜາວ່າ: ​ໃນ​ໄລຍະ​ຈະ​ມາ​ເຖິງ, ​ເຖິງ​ວ່າ​ຈະດຳລົງ​ຖານະ​ຕຳ​ແໜ່​ງ​ໃດ​ກໍ່ຕາມ, ທ່ານ​ເອກ​ອັກຄະ​ລັດຖະທູດ Ng Teck Hean ຈະ​ສືບ​ຕໍ່​ມີ​ການ​ປະ​ກອບ​ສ່ວນ​ເຂົ້າ​ໃນ​ການ​ພັດທະນາ​ການ​ພົວພັນ​ຮ່ວມ​ມື​ມິດຕະພາບ​ລະຫວ່າງ 2 ປະ​ເທດ ຫວຽດນາມ ​ແລະ ສິງ​ກະ​ໂປ.