ດ່ານຊາຍແດນ Rafah (ພາບ: AFP/TTXVN)

ວັນທີ 26 ສິງຫາ, ເອຢິບ ໄດ້ເປີດສ່ວນໜຶ່ງຂອງດ່ານຊາຍແດນ Rafah ລະຫວ່າງ ປະເທດນີ້ ກັບ ເຂດ Gaza ຄືນໃໝ່, ຕາມນັ້ນແລ້ວ ໄດ້ອະນຸຍາດໃຫ້ປະຕິບັດບັນດາການເຄື່ອນໄຫວຂົນສົ່ງທິດດຽວ ເຂົ້າເຂດດິນແດນຂອງ ຊາວປາແລັດສະຕິນ, ໃນສະພາບການ ອິດສະລາແອັນ ໄດ້ຜ່ອນຜັນບັນດາຂໍ້ຈຳກັດການນຳເຂົ້າສຳລັບເຂດຜືນແຜ່ນດິນຂອງປະເທດນີ້ ທີ່ຖືກປິດລ້ອມແຕ່ ປີ 2007. Rafah ແມ່ນປະຕູເຂົ້າອອກແຫ່ງດຽວຂອງ ເຂດ Gaza ໄປຍັງໂລກພາຍນອກ ທີ່ບໍ່ນອນໃນການຄຸ້ມຄອງຂອງ ອິດສະລາແອັນ. ວັນທີ 23 ສິງຫາ, ເອຢິບ ໄດ້ປະກາດປິດດ່ານຊາຍແດນແຫ່ງນີ້ ເຊິ່ງບໍ່ໄດ້ປະກາດເຫດຜົນ. ຂໍ້ຕົກລົງປິດດ່ານຊາຍແດນ Rafah ໄດ້ຍົກອອກມາພາຍຫຼັງປະຊາຊົນທີ່ດຳລົງຊີວິດຢູ່ເຂດ Gaza ປະຕິບັດການແຫ່ຂະບວນປະທ້ວງລຽບຕາມເສັ້ນຊາຍແດນກັບ ອິດສະລາແອັນ. ຫຼັງຈາກນັ້ນ, ການແຫ່ຂະບວນປະທ້ວງໄດ້ກາຍເປັນການຈະລາຈົນ, ໂດຍເຮັດໃຫ້ຊາວປາແລັດສະຕິນ 1 ຄົນເສຍຊີວິດ ແລະ ຜູ້ໄດ້ຮັບບາດເຈັບນັບສິບຄົນ. ວັນທີ 26 ສິງຫາ ແມ່ນຈຸດເວລາສ້າງຂີດໝາຍ 3 ເດືອນນັບແຕ່ເວລາຄຳສັ່ງຢຸດຍິງໂດຍ ເອຢິບ ເປັນຜູ້ກາງ ໄດ້ສິ້ນສຸດການປະທະກັນທີ່ແກ່ຍາວເປັນເວລາ 11 ວັນ ລະຫວ່າງ ອິດສະລາແອັນ ແລະ ຂະບວນການ Hamas.