(vovworld) -​ ການ​ພົບ​ປະລະ​ຫວ່າງ​ກຸ່ມ​ລັດຖະມົນຕີ​ວ່າການ​ການ​ເງິນ​ເຂດ​ນຳ​ໃຊ້​ສະກຸນ​ເງິນ​ລວມ​ເອີ​ໂຣ ​ແລະ​ ເກຼັກ ​ໄດ້​ສິ້ນ​ສຸດ​ລົງ​ຢູ່​ບຣຸກ​ແຊນ ​ໃນ​ຕອນ​ເຊົ້າ​ວັນ​ທີ 17/2 (ຕາມ​ເວລາ​ຫວຽດນາມ) ​ແຕ່​ບໍ່​ບັນລຸ​ໄດ້​ຂໍ້​ຕົກລົງ​ສຸດ​ທ້າຍ ກ່ຽວ​ກັບ​ໂຄງການ​ກູ້​ຊ່ວຍ​ເກຼັກ, ພາຍຫຼັງ​ທີ່​ອາ​ແທນ ປະຕິ​ເສດ​ແຜນ​ຮ່າງ​ໂດຍ​ເອີ​ລົບ ສະ​ເໜີ. ລັດຖະບານ​ຂອງ​ນາຍົກລັດຖະມົນຕີຄົນ​ໃໝ່ Alexis Tsipras ຮຽກຮ້ອງ​ຄະນະ​ກຳມະການ​ເອີ​ລົບ (EC), ທະນາຄານ​ສູນ​ກາງ​ເອລົບ (ECB) ​ແລະ ກອງ​ທຶນ​ເງິນຕາ​ສາກົນ (IMF) ສະຫງວນ​ໃຫ້​  ​ເກຼັກ ບ້ວງ​ສິນ​​ເຊື່ອ ​ເພື່ອ​ມີ​ເວລາ​ປະຕິບັດ​ບັນດາ​ຄຳ​ໝັ້ນ​ສັນຍາ​ເລືອກ​ຕັ້ງ. ​ເຖິງ​ວ່າ​​ເຫັນ​ດີ​ແກ່ຍາວ​ເວລາ​ໃຊ້​ໜີ້, ​ແຕ່​ບັນດາ​ເຈົ້າ​ໜີ້​ເອີ​ລົບ ​ໄດ້​ອອກ​ເງື່ອນ​ໄຂ​ເລື່ອງ​ໂຈະ​ໜີ້​ຕ້ອງ​ນອນ​ໃນ​ຂອບ​ເຂດ “ນະ​ໂຍບາຍ​ຮັດ​ເຂັມ​ຄັດ“. ກ່າວ​ຄຳ​ເຫັນ​ຕໍ່ໜ້າ​ວົງ​ການ​ນັກ​ຂ່າວ​ພາຍຫຼັງ​ສິ້ນ​ສຸດ​ກອງ​ປະຊຸມ, ບັນດາ​ການ​ນຳ​ເອີ​ລົບ​ຖື​ວ່າ ​ເກຼັກ ອາດສະ​ເໜີ​ໂຈະ​ໜີ້​ໄດ້ ​ເພື່ອ​ແນ​ໃສ່​ຫຼີກ​ເວັ້ນ​ໄພ​ລົ້ມ​ລະລາຍ, ທີ່ສົ່ງ​ຜົນ​ຮ້າຍ​ເຖິງ​ພື້ນຖານ​ເສດຖະກິດ.