(VOVWORLD) - ຕອນເຊົ້າວັນທີ 9 ກໍລະກົດ, ຢູ່ນະຄອນ ໂຮ່ຈີມິນ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເປັນປະທານກອງປະຊຸມສະຫຼຸບການປະຕິບັດມະຕິເລກທີ 53 ແລະ ບົດສະຫຼຸບເລກທີ 27 ຂອງ ກົມການເມືອງສູນກາງພັກ ກ່ຽວກັບການພັດທະນາເສດຖະກິດ - ສັງຄົມ ແລະ ຮັບປະກັນການປ້ອງກັນຊາດ - ປ້ອງກັນຄວາມສະຫງົບ ເຂດທາງທິດຕາເວັນອອກພາກໃຕ້ ແລະ ເຂດເສດຖະກິດຈຸດສຸມພາກໃຕ້ຮອດປີ 2010 ແລະ ກຳນົດທິດຮອດປີ 2020.
 ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ກ່າວຄຳເຫັນທີ່ກອງປະຊຸມ (ພາບ: VOV) |
ກ່າວຄຳເຫັນຊີ້ນຳກອງປະຊຸມ, ທ່ານນາຍົກລັດຖະມົນຕີ ຟ້າມມິງຈິງ ຮຽກຮ້ອງວ່າ:
“ຂ້າພະເຈົ້າສະເໜີໃຫ້ບັນດາຜູ້ແທນຕີລາຄາຢ່າງພາວະວິໄສ, ຊັດເຈນ, ລະອຽດ ຕໍ່ໝາກຜົນທີ່ບັນລຸໄດ້, ຂໍ້ຄົງຄ້າງ, ຂໍ້ຈຳກັດໃນທຸກຂົງເຂດເສດຖະກິດ, ວັດທະນະທຳ, ສັງຄົມ, ສິ່ງແວດລ້ອມ, ວິທະຍາສາດເຕັກໂນໂລຢີ, ໂຄງສ້າງພື້ນຖານໂຄງລ່າງ, ການປ້ອງກັນຊາດ, ປ້ອງກັນຄວາມສະຫງົບ. ຈາກນັ້ນ, ຍົກອອກສາຍເຫດ ບົດຮຽນ, ປະສົບການ. ສະເໜີທັດສະນະ, ເປົ້າໝາຍ, ໜ້າທີ່, ມາດຕະການແທດຈິງ, ມີປະສິດທິຜົນ; ຂໍ້ສະເໜີແນະທີ່ລະອຽດ ເພື່ອຕອບສະໜອງໄດ້ຕາມຄວາມຮຽກຮ້ອງຕ້ອງການພັດທະນາຂອງເຂດ ແລະ ແທດເໝາະກັບສະພາບການຕົວຈິງ.”
ເຂດເສດຖະກິດຈຸດສຸມພາກໃຕ້ ສວມບົດບາດສຳຄັນເປັນພິເສດໃນການພັດທະນາເສດຖະກິດ - ສັງຄົມຂອງທົ່ວປະເທດ; ແມ່ນຂົວເຊື່ອມຕໍ່ແລກປ່ຽນການພົວພັນດ້ານການຄ້າ, ການເຊື່ອມຕໍ່ຢູ່ພາຍໃນປະເທດ ແລະ ສາກົນ ໂດຍຜ່ານລະບົບທ່າກ່ຳປັ່ນ, ສະໜາມບິນສາກົນ, ພິເສດແມ່ນເສັ້ນທາງບົກຊອດ ອາຊີ ແລະ ທາງທະເລເຊື່ອມຕໍ່ກັບປາຊີຟິກ ແລະ ມະຫາສະໝຸດອິນເດຍ.
Vu Khuyen