ແກ້ໄຂຄວາມຫຍຸ້ງຍາກ ໃຫ້ແກ່ການເຄື່ອນໄຫວຜະລິດ, ດຳເນີນທຸລະກິດ
ກອງປະຊຸມປະຈຳເດືອນພຶດສະພາຂອງລັດຖະບານ
(ພາບ: chinhphudientu)
|
Vovworld- ໂດຍປະຕິບັດມະຕິເລກທີ່ 13 ຂອງລັດຖະບານກ່ຽວກັບບາງວິທີການ ແກ້ໄຂຄວາມຫຍຸ້ງຍາກໃຫ້ແກ່ການເຄື່ອນໄຫວຜະລິດ, ດຳເນີນທຸລະກິດ, ກະຊວງການເງິນຫວຽດນາມໄດ້ປະຕິບັດການຍົກເວັ້ນ, ຫຼຸດຜ່ອນອາກອນໃຫ້ແກ່ວິສາຫະກິດ. ຕາມນັ້ນແລ້ວ, ໃນການຜັນຂະຫຍາຍປະຕິບັດມະຕິດັ່ງກ່າວເປັນເວລາກ່ວາ 4 ເດືອນ ຄືແຕ່ເດືອນ 5/2012 ມາຮອດປະຈຸບັນ, ຂະແໜງສ່ວຍສາອາກອນໄດ້ຕໍ່ກຳນົດເວລາເສຍອາກອນມຸນຄ່າເພີ່ມລວມມຸນຄ່າ 9.900 ຕື້ດົງ ໃຫ້ແກ່ວິສາຫະກິດ 200.000 ກ່ວາແຫ່ງ, ຕໍ່ກຳນົດເວລາເສຍອາກອນລາຍຮັບວິສາກະກິດ ໃຫ້ແກ່ວິສາຫະກິດ 8.000 ກ່ວາແຫ່ງ ລວມມຸນຄ່າເກືອບ 350 ຕື້ດົງ. ນອກຈາກນັ້ນ, ຂະແໜງສ່ວຍສາອາກອນຍັງຍົກເວັ້ນອາກອນລວມມຸນຄ່າ 10ຕື້ກ່ວາດົງສຳລັບປີ 2012 ໃຫ້ແກ່ 40.000 ກ່ວາຄອບຄົວປະກອບອາຊີບຈັບຫາສັດນ້ຳ ແລະ ຜະລິດເກືອ. ທັງນິ້ີໄດ້ຊ່ວຍໃຫ້ບັນດາວິສາຫະກິດຖືກລົ້ມລະລາຍ,ຍຸບເລີກ ກັບຄືນສູ່ການເຄື່ອນໄຫວເປັນປົກກະຕິ, ຈຳນວນວິສາຫະກິດແຈ້ງລາຍງານມີຜົນກຳໄລ, ຄິດສະເລຍໄດ້ເພີ່ມຂຶ້ນ 3-4%/ເດືອນ.