(vovworld) - ​ ​ວັນ​ທີ 30/10, ຢູ່​ຮ່າ​ໂນ້ຍ, ສະ​ມາ​ຄົມ​ຊາວ​ກະ​ສິ​ກອນ​ຫວຽດ​ນາມ ໄດ້​ສົມ​ທົບ​ກັບ​ທະ​ນາ​ຄານ​ແຫ່ງ​ລັດ ຈັດ​ຕ​ັ້ງ​ກອງ​ປະ​ຊຸມ​ສຳ​ມະ​ນາ​ດ້ວຍ​ຫົວ​ຂໍ້​ວ່າ “​ບ້ວງສິນ​ເຊື່ອ​ທະ​ນາ​ຄານ​ຊຸກ​ຍູ້​ການ​ສ້າງ​ໂຄງ​ປະ​ກອບ​​ຂະ​ແໜງກະ​ສິ​ກຳ​ຄືນ​ໃໝ່”. ກອງ​ປະ​ຊຸມ​ສຳ​ມະ​ນາ​ແມ່ນ​ເພື່ອ​ແນ​ໃສ່​​ປັບ​ປຸງ​ນະ​ໂຍ​ບາຍ​​ສິນ​ເຊື່ອ​ທະ​ນາ​ຄານ​ສຳ​ລັບ​ຂົງ​ເຂດ​ກະ​ສິ​ກຳຊົນ​ນະ​ບົດ​ກວ່າ​ອີກ ເພື່ອ​ແນ​ໃສ່​ສ້າງ​ໂຄງ​ປະ​ກອບ​ຂະ​ແໜງ​ກະ​ສິ​ກຳ​ຕາມ​ທິດ ຍົກ​ສູງ​ມູນ​ຄ່າ​ເພີ່ມ ແລະ ໝັ້​ນ​ຄົງ​ຂອງ​ລັດ​ຖ​ະ​ບານ. ທີ່ກອງ​ປະ​ຊຸມ​ສຳ​ມະ​ນາ, ບັນ​ດາ​ຜູ້​ແທນ​ໄດ້​ຖື​ວ່າ: ບັນ​ດາ​ຜົນ​ງານ​ຂອງ​ຂະ​ແໜງ​ກະ​ສິ​ກຳ​ໃນ​ໄລ​ຍະ 30 ປີ​ແຫ່ງ​ການ​ປ່ຽນ​ແປງ​ໃໝ່ ໄດ​້​ປະ​ກອບ​ສ່ວນບ້ວງ​ສິນ​ເຊື່ອ​ທະ​ນາ​ຄານບໍ່​ແມ່ນ​ໜ້ອຍ. ໄລ່​ຮອດ​ທ້າຍ​ເດືອນ 09 ຜ່ານ​ມາ, ການ​ລົງ​ທຶນ​ດ້ານ​ສິນ​ເຊື່ອ​ເຂົ້າ​ຂະ​ແໜງ​ກະ​ສິ​ກຳຊົນ​ນະ​ບົດ​ບັນ​ລຸກວ່າ 925.000 ຕື້​ດົ່ງ, ເພີ່ມ​ຂຶ້ນ 9,6% ເມື່ອ​ທຽບ​ໃນ​ໄລ​ຍ​ະ​ທ້າຍ​ປີ 2015. ເພື່ອ​ແນ​ໃສ່​ແກ້​ໄຂ​ດ້ານ​ສິນ​ເຊື່ອ​ໃ​ຫ້​ຂົງ​ເຂດ​ກະ​ສິ​ກຳ​ຊົນ​ນະ​ບົດ, ກໍ​ຄື​ສ້າງ​ເງື່ອນ​ໄຂ​ໃຫ້​ຊາວ​ກະ​ສິ​ກອນ​ພັດ​ທະ​ນາ​ການ​ຜະ​ລິດ​ສ້າງ​ໂຄງ​ປະ​ກອບ​ຂະ​ແໜງ​ກະ​ສິ​ກຳ​ຄືນ​ໃໝ່, ຜູ້​ແທນ​ ແລະ ບັນ​ດາ​ນັກ​ຊ່ຽວ​ຊານຫຼາຍ​ທ່ານ ໄດ້​ຖື​ວ່າ, ບັນ​ດາ​ອົງ​ການ​ສິນ​ເຊື່ອ, ທະ​ນາ​ຄານ ຕ້ອງ​ສືບ​ຕໍ່​ກຳ​ນົດ​ ກະ​ສິ​ກຳ, ຊົນ​ນະ​ບົດ​ແມ່ນ​ຂົງ​ເຂດ​ຕ້ອງ​ໄດ້​ຮັບ​ບຸ​ລິ​ມະ​ສິດ. ເລື່ອງ​ລົງ​ທຶນ​ໃຫ້​ກູ້​ຢື່ມ​ຕ້ອງ​ມຸ່ງ​ໄປ​ເຖິງ​ການ​ຜະ​ລິດ​ກະ​ສິ​ກຳ​ທີ່​ມີ​ຂອບ​ຂະ​ໜາດ​ໃຫຍ່, ​ເພີ່ມຄວາມ​ສາ​ມາດ​ຮ່ວມ​ສຳ​ພັນ​ໃນ​ລະ​ບົບ​ມູນ​ຄ່າ​ເພີ່ມ​ທົ່ວ​ໂລກ​ຂອງ​ຜະ​ລິດ​ຕະ​ພັນ.