ປຸກລະດົມລາຍການຊາວ ຫວຽດນາມ ໄປທ່ອງທ່ຽວຢູ່ ຫວຽດນາມ (ພາບ: dantocmiennui.vn)

ຕອນຄ່ຳວັນທີ 03 ກໍລະກົດ, ຢູ່ເຂດທ່ອງທ່ຽວຊີວະພາບລະດັບຊາດ ມັງແດນ, ເມືອງ ກອນໂປຼງ, ຄະນະກຳມະການປະຊາຊົນແຂວງ ກອນຕຸມ ໄດ້ຈັດຕັ້ງພິທີປຸກລະດົມລາຍການ “ຊາວ ຫວຽດນາມ ໄປທ່ອງທ່ຽວຢູ່ ຫວຽດນາມ” ແລະ ຈັດພິທີລົງນາມການຮ່ວມມືພັດທະນາການທ່ອງທ່ຽວ ແລະ ປະກາດຂໍ້ຕົກລົງວ່າດ້ວຍການຮັບຮອງບັນດາສະຖານທີ່ທ່ອງທ່ຽວໃນບໍລິເວນເມືອງ ກອນໂປຼງ. ກ່າວຄຳເຫັນທີ່ພິທີ, ທ່ານນາງ ເຈິ່ນທິງາ, ຮອງປະທານຄະນະກຳມະການປະຊາຊົນແຂວງ ກອນຕຸມ ໃຫ້ຮູ້ວ່າ:

        “ບັນດາຫົວໜ່ວຍທີ່ກ່ຽວຂ້ອງ ຕ້ອງໂຄສະນາຢ່າງເລິກເຊິ່ງກ້ວາງຂວາງກ່ຽວກັບລາຍການ “ຊາວ ຫວຽດນາມ ໄປທ່ອງທ່ຽວຢູ່ ຫວຽດນາມ” ແລະ ລາຍການກະຕຸ້ນຄວາມຕ້ອງການໄປທ່ອງທ່ຽວຂອງແຂວງ ກອນຕຸມ ປີ 2020 ຜ່ານນັ້ນ ຮ່ວມສຳພັນການຮ່ວມມືພັດທະນາການທ່ອງທ່ຽວໃນບໍລິເວນ. ພ້ອມກັນນັ້ນ ຄວນສ້າງບັນດາຜະລິດຕະພັນການທ່ອງທ່ຽວໃໝ່, ດຶງດູດ, ສີສັນສະເພາະຂອງທ້ອງຖິ່ນ ເພື່ອດຶງດູດແຂກທ່ອງທ່ຽວມາທ່ຽວຢູ່ ກອນຕຸມ ໃຫ້ນັບມື້ນັບຫລາຍກ່ວາ.”

        ທີ່ພິທີດັ່ງກ່າວ ສະຫະສະມາຄົມທ່ອງທ່ຽວ 3 ແຂວງແມ່ນ ກອນຕຸມ, ຢາລາຍ ແລະ ບີ່ງດິ້ງ ກໍ່ໄດ້ລົງນາມໃນຂໍ້ຕົກລົງວ່າດ້ວຍການຮ່ວມມືຜັນຂະຫຍາຍລາຍການກະຕຸ້ນການທ່ອງທ່ຽວ.