(vovworld) -     ແຂວງ ຈ່າ​ວິ​ງ ຄວນ​ເພີ່ມ​ທະວີ​ໜ້າ​ທີ່​ຕິດຕາມ​ກວດກາ​ໃນ​ການ​ພັດທະນາ​ເສດຖະກິດ​ສັງຄົ​ມ, ​ທ່ານ​ປະທານ​ຄະນະ​ກຳມະການ​ສູງ​ກາງ​ແນວ​ໂຮມ​ປະ​ເທດ​ຊາດ​ຫວຽ​ດນາມ ຫງວຽນ​ທ້ຽນ​ເຍີນ ​ເນັ້ນ​ໜັກ​ເຖິງ​ສິ່ງດັ່ງກ່າວ​ທີ່​ການ​ເຮັດ​ວຽກ​ກັບ​ຄະນະ​ປະຈຳ​ຄະນະ​ກຳມະການ​ແນ​ວ​ໂຮມ​ປະ​ເທດ​ຊາດ​ຫວຽດນາມ ​ແຂວງ ຈ່າ​ວິ​ງ ​ໃນ​ວັນ​ທີ 20/01. ທີ່​ການ​ເຮັດ​ວຽກ, ທ່ານ ຫງວຽນ​ທ້ຽນ​ເຍີນ ຖື​ວ່າ, ​ໃນ​ການ​ພັດທະນາ​ເສດຖະກິດ​ສັງຄົມ, ທ້​ອງຖິ່ນ​ບໍ່ຕ້ອງ​ອິ່ງ​ໃສ່​ງົບປະມານ​ແຫ່ງ​ລັດ ຫາກ​ຕ້ອງ​ບື​ນຕົວ​ຂຶ້ນ​ດ້ວຍ​ຕົນ​ເອງ​. ສະ​ນັ້ນ, ໜ້າ​ທີ່​ຕິດຕາມ​ກວ​ດກາ​ແມ່ນ​ມີ​ຄວາມ​ສຳຄັນ​ທີ່​ສຸດ, ຕ້ອງ​ຕິດຕາມ​ກວດກາ​ສະມັດ​ຕະພາບ​ຂອງ​ແຕ່ລະ​ຜະລິດ​ຕະພັນ​ຕົ້ນ​ຕໍ່, ຂົງ​ເຂດ​ປາຍ​ແຫຼມ​ຂອງ​ແຂວງ ​ແລະ ​ເຮັດ​ແໜ້ນ​ສະມັດ​ຕະພາບ, ຄຸນ​ນະພາ​ບ. ທ່ານ​ປະທານ​ຄະນະ​ກຳມະການ​ສູງ​ກາງ​ແນວ​ໂຮມ​ປະ​ເທດ​ຊາດ​ຫວຽ​ດນາມ ຫງວຽນ​ທ້ຽນ​ເຍີນ ຮຽກຮ້ອງ​ວ່າ.

        “​ແຕ່​ປີ 2014 ດ້ວຍ​ລັດຖະທຳ​ມະນູນ​ໃໝ່, ໜ້າ​ທີ່​ຕິດຕາມ​ກວດກາ​ໄດ້​ຮັບ​ການ​ເພີ່ມ​ຂຶ້ນ, ພະຍາຍາມ​​ເຕົ້າ​ໂຮມ​ຄຳ​ເຫັນ​ຈາກ​ປະຊາຊົນ ​ແລະ ​ເຮັດ​ແນວ​ໃດ​ໄດ້​ລາຍ​ງານ​ກ່ຽວ​ກັບ​ສະພາບ​ຂອງ​ປະຊາຊົນ​ຕໍ່​ສູນກາງ​ແນວ​ໂຮມ​ປະ​ເທດ​ຊາດ 2​, 3 ​ເດືອ​ນ​ເທື່ອ​ໜື່ງ. ພ້ອມ​ກັນ​ນັ້ນ ແນວ​ໂຮມ​​ຕ້ອງ​ລາຍ​ງານ​ຕໍ່​ຄະນະ​ພັກ. ຖ້າ​ຍາກ​ເຮັດ​ໃດ້ສິ່ງ​ດັ່ງກ່າວ, ຕ້ອງ​ຜ່ານ 5 ໝູ່​ຄະນະ, ໃຊ້​​ສະມາຊິກ​ຂອງ​​ແນວ​ໂຮມ​ປະ​ເທດ​ທຸກ​ຂັ້ນ​ຢ່າງ​ຄົບ​ຖ້ວນ, ມອບ​ໜ້າ​ທີ່​​ໃຫ້​ເຂົ້າ​ເຈົ້າ. ນີ້​ແມ່ນ​ໜ້າ​ທີ່​ສຳຄັນ​ທີ່ແນວ​ໂຮມ​ຕ້ອງ​ເຮັດ​ໄດ້.”

        ​ແລະ​ກໍ່​ໃນ​ວັນ​ດຽວ​ກັນ, ທ່ານ​ປະທານ​ຄະນະ​ກຳມະການ​ສູງ​ກາງ​ແນວ​ໂຮມ​ປະ​ເທດ​ຊາດ​ຫວຽ​ດນາມ ຫງວຽນ​ທ້ຽນ​ເຍີນ ພ້ອມ​ກັນ​ຄະນະ​ປະຕິບັດ​ງານ​ໄປ​ຢ້ຽມຢາມ, ອວຍ​ພອນ​ບາງ​ຄອບຄົວ​ນະ​ໂຍບາຍ, ນັກ​ປະຕິວັດ​ອະ​ວຸ​ໂສ ​ແລະ ມອບ​ຂອງຂວັນ 100 ພູດ, ​ແຕ່​ລະ​ພູດ​ມີ​ມູນ​ຄ່າ 1 ລ້ານ​ດົງ ​ໃຫ້​ແກ່​ຄອບຄົວ​ທຸກ​ຍາກ ​ແລະ ຜູ້​ປະສົບ​ເຄາະ​ຮ້າຍ​ຈາກ​ທາດ​ຜິດ​ສີ​ສົ້ມ​ດີ​ໂອ​ຊີ​ນ ຢູ່​ຕາ​ແສງ ມີ້​ແຈ໋ງ, ​ເມືອງ ​ເຈົາ​ແທ່ງ.