(ພາບ: TTXVN)

ຕອນເຊົ້າວັນທີ 23 ຕຸລາ, ຢູ່ເຂດປູຊະນີຍະສະຖານລະດັບຊາດ, ສະຖານທີ່ກ່ຳປັ່ນ C235, ເຂດທະເລ ຮ່ອນແຮ່ວ, ເທດສະບານເມືອງ ນິງຮ່ວາ, ແຂວງ ແຄງຮ່ວາ ໄດ້ຈັດພິທີສະເຫຼີມສະຫຼອງ 60 ປີແຫ່ງວັນເປີດເສັ້ນທາງ ໂຮ່ຈີມິນ ຢູ່ທະເລ.

        ກ່າວຄຳເຫັນທີ່ພິທີ, ທ່ານ ຫງວຽນຫາຍນິງ, ເລຂາຄະນະພັກແຂວງ ແຄງຮ່ວາ, ຢືນຢັນວ່າ ບັນດາລູກເຮືອກ່ຳປັ່ນ C235 ໄດ້ສ້າງບົກເພງທີ່ອະມະຕະກ່ຽວກັບນ້ຳໃຈຮັກຊາດ. ທ່ານກ່າວວ່າ:

        “ເພື່ອຕອບບຸນແທນຄຸນນັກວິລະຊົນ, ນັກຮົບເສຍສະຫຼະຊີວິດເພື່ອຊາດຂອງກ່ຳປັ່ນ C235 ທີ່ໄດ້ເສຍສະຫຼະເລືອດເນື້ອ, ອາຍຸໜຸ່ມແໜ້ນໃຫ້ແກ່ການຍືນຍົງຄົງຕົວຂອງຊາດ. ແຫ່ງນີ້ໄດ້ກາຍເປັນສະຖານທີ່ສຶກສາມູນເຊື້ອໃຫ້ແກ່ພະນັກງານ, ສະມາຊິກພັກ,  ປະຊາຊົນ, ຈາກນັ້ນ ປຸກລຸກນ້ຳໃຈຮັກຊາດ, ຄວາມເອກອ້າງທະນົງໃຈ ແລະ ສະຕິປົກປັກຮັກສາອະທິປະໄຕເຂດທະເລ, ໝູ່ເກາອັນສັກກະລະບູຊາຂອງປະເທດຊາດ ໄວ້ໃຫ້ຄົນລຸ້ນຫຼັງ. ຫວນຄືນອະດີດຕະການເພື່ອໃຫ້ພວກເຮົາມຸ່ງໄປເຖິງອະນາຄົດ ດ້ວຍຄວາມເຊື່ອໝັ້ນວ່າ ຫວຽດນາມ ຕ້ອງກາຍເປັນປະເທດທີ່ມີຄວາມເຂັ້ມແຂງທາງທະເລ, ສ້າງຄວາມຮັ່ງມີຈາກທະເລ; ພັດທະນາແບບຍືນຍົງ, ວັດທະນາຖາວອນ”.