ແຂວງລອງອານຕ້ອງຍາດແຍ່ງທຸກກາລະໂອກາດສະດວກເພື່ອກ່າຍເປັນແຂວງຮັ່ງມີ
ທ່ານປະທານປະເທດ ເຈືອງເຕີນຊາງ ອວຍພອນບຸນເຕັດ
ພະນັກງານ, ນັກຮົບ ແລະ ປະຊາຊົນແຂວງລອງອານ
(ພາບ: nhandan)
(vovworld) – ຕອນເຊົ້າວັນທີ 06/02, ທ່ານປະທານປະເທດ ເຈືອງເຕີນຊາງ ໄດ້ໄປຢ້ຽມຢາມ ແລະ ອວຍພອນບຸນເຕັດພະນັກງານ, ນັກຮົບ ແລະ ປະຊາຊົນແຂວງລອງອານ. ກ່າວຄຳເຫັນຢູ່ທີ່ນີ້, ທ່ານປະທານປະເທດ ເຈືອງເຕີນຊາງ ເນັ້ນໜັກວ່າ, ແຂວງລອງອານ ຕ້ອງມານະພະຍາຍາມກວ່າອີກ, ສຸມທຸກແຫຼ່ງກຳລັງ, ເສີມຂະຫຍາຍທ່າແຮງດ້ານພູມສາດ, ອຸດສາຫະກຳ, ການຄ້າ ການບໍລິຫານ ເພື່ອສາມາດກ່າຍເປັນແຂວງຮັ່ງມີໂດຍໄວ. ທ່ານປະທານປະເທດ ໃຫ້ຮູ້ວ່າ, ຈະປະສົບກັບຄວາມຫຍຸ້ງຍາກ, ສິ່ງທ້າທາຍຫຼາຍຢ່າງ, ໂດຍສະເພາະແມ່ນເມື່ອມີສັນຍາການຄ້າເສລີລຸ່ນໃໝ່ຫຼາຍສະບັບມີຜົນສັກສິດ, ນຳຫວຽດນາມ ເຊື່ອມໂຍງຢ່າງເລິກເຊິ່ງ, ກວ້າງຂວາງກວ່າ ແລະ ການແກ່ງແຍ່ງກໍແຂງແຮງກວ່າ, ສະນັ້ນແຂວງລອງອານ ຕ້ອງຍາດແຍ່ງທຸກກາລະໂອກາດເພື່ອບັນລຸໄດ້.
“ຍ້ອນຜົນງານຂອງວິວັດແຫ່ງການປ່ຽນແປ່ງໃໝ່ ເຮັດໃຫ້ອິດທິພົນຊື່ສຽງ, ບົດບາດ, ທີ່ຕັ້ງຂອງປະເທດເຮົາໄດ້ເພີ່ມຂຶ້ນຢ່າງຈະແຈ້ງ, ຕ້ອງຢືນຢັນສິ່ງດັ່ງກ່າວ. ເພື່ອນມິດສາກົນນັບມື້ນັບຫຼາຍ, ມີຫຼາຍປະເທດຢາກຊ່ວຍຫວຽດນາມ ພັດທະນາ. ຖ້າບໍ່ຍາດແຍ່ງກາລະໂອກາດນີ້ເພື່ອພັດທະນາຢ່າງໄວ, ສິ່ງທ້າທາຍຈະຍິ່ງໃຫຍ່ຫຼວງ”.