“ວັນບຸນ ທ່ອງທ່ຽວ - ຄໍ່າຄືນລອຍກະໂທງນິງກຽວ, ເກິນເທີ ຄັ້ງທີ 2 ປີ 2018” ຈະໄດ້ຈັດຕັ້ງໃນລະຫວ່າງວັນທີ 10 – 12 ສິງຫາ

ດ້ວຍຈຸດພົ້ນເດັ່ນແມ່ນສ້າງໂຕມັງກອນຈໍາລອງສອງໂຕ ເຊິ່ງມີຂະໜາດຄວາມຍາວ 15 ແມັດ ບິນເວີ່ນຢູ່ທ່ານິງກຽວ, ພ້ອມກັບກະໂທງຈໍານວນ 60 ອັນ ຂອງບັນດາຫົວໜ່ວຍເຂົ້າຮ່ວມງານບຸນ ໄດ້ປະດັບປະດາຢູ່ລຽບຕາມສອງຟາກຄອງ ຄາຍລວງ. ນອກຈາກນັ້ນ, ວັນບຸນກໍຍັງມີການແຂ່ງຂັນເຮັດກະໂທງ; ອອກແບບເຄື່ອງໝາຍ ດ້ວຍຫົວຂໍ້ກ່ຽວກັບກະໂທງ; ບັນດາຫ້າງຮ້ານເຄື່ອງສິລະປະຫັດຖະກໍາຂະໜາດນ້ອຍ;ການແຂ່ງຂັນຊ່ວງເຮືອປະເພນີ ແລະລອຍກະໂທງ.

        ທ່ານນາງ ຫງວຽນທິຮວ່າງແອວງ ຫົວໜ້າຂະແໜງວັດທະນະທໍາ ແລະ ຖະແຫຼງຂ່າວ ເມືອງນິງກຽວ ໃຫ້ຮູ້ວ່າ: ວັນບຸນກໍແມ່ນໂອກາດ ເພື່ອໃຫ້ບັນດາບໍລິສັດທ່ອງທ່ຽວໄດ້ແລກປ່ຽນບົດຮຽນ, ພ້ອມກັນຮ່ວມມືໂຄສະນາ, ພັດທະນາການທ່ອງທ່ຽວ. ພ້ອມທັງເຊີດຊູ, ຢັ້ງຢືນທ່າໄດ້ປຽບ ແລະ ຄວາມສາມາດບົ່ມຊ້ອນໃນການພັດທະນາການທ່ອງທ່ຽວທາງນໍ້າຢູ່ເກິນເທີ.