(ທ່ອງທ່ຽວປອດໄພແມ່ນປັດໃຈແຖວໜ້າສຳລັບຂະແໜງທ່ອງທ່ຽວແຂວງ ແຄ໊ງຮ່ວາ)

ພາຍຫຼັງຖືກຜົນທະທ້ອນຈາກໂລກລະບາດໂຄວິດ-19 ເປັນເວລາ 1 ປີ, ຂະແໜງທ່ອງທ່ຽວແຂວງ ແຄ໊ງຮ່ວາ ສືບຕໍ່ຖືກຜົນສະທ້ອນຢ່າງໜັກໜ່ວງ, ບັນດາຮາກຖານດຳເນີນທຸລະກິດຕ້ອງປິດປະຕູ, ຈຳນວນຜູ້ອອກແຮງງານພັກວຽກນັບມື້ນັບຫຼາຍຂຶ້ນ. ສະນັ້ນ, ທ່ອງທ່ຽວປອດໄພແມ່ນປັດໃຈແຖວໜ້າສຳລັບຂະແໜງທ່ອງທ່ຽວແຂວງ ແຄ໊ງຮ່ວາ ໃນຈຸດເວລາປະຈຸບັນ.

        ທ່ານ ເຈິ່ນຫວຽດຈູງ, ຫົວໜ້າພະແນກທ່ອງທ່ຽວແຂວງ ແຄ໊ງຮ່ວາ ໃຫ້ຮູ້ວ່າ: ທາງທ້ອງຖິ່ນຈະເພີ່ມທະວີການຮ່ວມສຳພັນກັບບັນດາຫົວໜ່ວຍສະໜອງການບໍລິການ ເພື່ອຜັນຂະຫຍາຍບ້ວງເງິນກະຕຸນການທ່ອງທ່ຽວທີ່ມີຂອບຂະໜາດໃຫຍ່ ເພື່ອດຶງດູດນັກທ່ອງທ່ຽວ:

        “ໃນໄລຍະຜ່ານມາ, ພວກເຮົາໄດ້ສຸມໃສ່ການທ່ອງທ່ຽວທາງທະເລຫຼາຍທີ່ສຸດ, ຂາດຜະລິດຕະພັນທ່ອງທ່ຽວຊີວະພາບເຂດພູ. ໃນປີຜ່ານມາ, ພວກຂ້າພະເຈົ້າໄດ້ຕັດສິນໃຈວ່າ ໃນຕະຫຼອດໄລຍະເກີດໂລກລະບາດ, ບໍ່ມີນັກທ່ອງທ່ຽວ ແຕ່ຍັງຄົງຍົກອອກຜະລິດຕະພັນ. ຕົວຢ່າງຄືເຂດ ເຈື່ອງເຊີນ, ບັນດາເຂດທາງທິດຕາເວັນຕົກ, ຊີວະພາບ ແລະ ຜະລິດຕະພັນທ່ອງທ່ຽວໃໝ່ຄື ກ່ຳປັ່ນດຳນ້ຳ”.

        ໃນຕໍ່ໜ້າ, ແຂວງ ແຄ໊ງຮ່ວາ ພວມຊອກຫາວິທີເພື່ອແກ້ໄຂຂໍ້ຕິດຂັດ, ຄວາມຫຍຸ້ງຍາກໃຫ້ແກ່ວິສາຫະກິດ. ຂະແໜງທ່ອງທ່ຽວແຂວງ ກໍ່ພວມສຸມໃສ່ຂຸດຄົ້ນຕະຫຼາດພາຍໃນປະເທດ; ມີແຜນການກະກຽມຕ້ອນຮັບນັກທ່ອງທ່ຽວສາກົນກັບມາ. ທ່ານ ຫງວຽນຄັ໊ກດິ້ງ, ເລຂາຄະນະພັກແຂວງ ແຄ໊ງຮ່ວາ, ໃຫ້ຮູ້ວ່າ:

        “ປະຈຸບັນ, ທ່ອງທ່ຽວປອດໄພແມ່ນເງື່ອນໄຂຕັດສິນແຖວໜ້າ, ຈຸດນັດພົບທີ່ປອດໄພ, ຄ້ຳປະກັນດ້ານສະບຽງອາຫານ ແລະ ກ່ອນອື່ນໝົດແມ່ນຄວາມປອດໄພຕໍ່ໂລກລະບາດໂຄວິດ-19. ນີ້ແມ່ນໜ້າທີ່ຄວາມຮັບຜິດຊອບຂອງຄະນະພັກ, ອຳນາດການປົກຄອງທຸກຂັ້ນ. ພວກເຮົາຕ້ອງໂຄສະນາ, ຕ້ອງມີລາຍການແມ່ນ ພວກຂ້າພະເຈົ້າປອດໄພ.”