ທະຫານ ອາເມລິກາ ເຂົ້າຮ່ວມການຊ້ອມຮົບຂອງ NATO  (ພາບ:  AFP/TTXVN)

  ວັນທີ 19 ທັນວາ, ທ່ານນາງນາຍົກລັດຖະມົນຕີ ແດນມາກ, Mette Frederiksen, ຖະແຫຼງວ່າ ປະເທດນີ້ບັນລຸໄດ້ຂໍ້ຕົກລົງດ້ານປ້ອງກັນຊາດ ກັບ ອາເມລິກາ. ກ່າວຄໍາເຫັນໃນການຖະແຫຼງຂ່າວ, ທ່ານນາຍົກລັດຖະມົນຕີ Frederiksen ເນັ້ນໜັກວ່າ ດ້ວຍຂໍ້ຕົກລົງສະບັບດັ່ງກ່າວ, ທະຫານ ແລະ ອຸປະກອນຂອງ ອາເມລິກາ ອາດຈັດເພີ່ມເຕີມໃນໄລຍະຍາວຢູ່ດິນແດນ ແດນມາກ. ຕາມທ່ານນາງ Frederiksen ແລ້ວ, ຂໍ້ຕົກລົງສະບັບນີ້ ຈະໄດ້ລົງນາມໃນອາທິດນີ້ ແລະ ຈະມີຜົນສັກສິດພາຍຫຼັງທີ່ອົງການນິຕິບັນຍັດຂອງສອງປະເທດຮັບຮອງເອົາ ໃນໄລຍະເວລາປະມານ 1 ປີ, ນັບແຕ່ວັນທີ 19 ທັນວາ ເປັນຕົ້ນໄປ.

        ແດນມາກ ແລະ ອາເມລິກາ ເລີ່ມເຈລະຈາກ່ຽວກັບຂໍ້ຕົກລົງສະບັບດັ່ງກ່າວ ໃນເດືອນ ກຸມພາ ປີ 2022. ຂໍ້ຕົກລົງທີ່ມີຜົນສັກສິດເປັນເວລາ 10 ປີນີ້ ໄດ້ປະກາດພາຍຫຼັງ ອາເມລິກາ ລົງນາມໃນຂໍ້ຕົກລົງສະບັບຕ່າງໆທີ່ມີເນື້ອໃນຄ້າຍຄືກັນກັບ ແຟງລັງ ແລະ ຊູແອັດ ໃນເດືອນທັນວານີ້.