ແບ່ງປັນບົດຮຽນພາກພື້ນ ແລະ ບັນດາຄວາມກ້າວໜ້າສາກົນໃນການແກ້ໄຂຜົນຮ້າຍຢ້ອນຫຼັງຈາກລູກລະເບີດ
(VOVWORLD) - ກ່າວຄຳເຫັນທີ່ກອງປະຊຸມສຳມະນາ, ທ່ານຮອງລັດຖະມົນຕີກະຊວງການຕ່າງປະເທດ ຫວຽດນາມ ໂດ໋ຮູ່ງຫວຽດ, ເນັ້ນໜັກວ່າ: ຫວຽດນາມ ມີ 1/5 ເນື້ອທີ່ດິນ (ປະມານ 5,6 ລ້ານ ເຮັກຕາ) ທີ່ຍັງມີລູກລະເບີດ ແລະ ວັດຖຸລະເບີດຕົກຄ້າງພາຍຫຼັງສົງຄາມ
 ກອງປະຊຸມສຳມະນາພາກພື້ນກ່ຽວກັບຜົນຮ້າຍຢ້ອນຫຼັງຈາກລູກລະເບີດ(ພາບ:ກະຊວງການຕ່າງປະເທດ ຫວຽດນາມ)
|
ວັນທີ 29 ມີນາ, ຢູ່ຮ່າໂນ້ຍ, ກະຊວງການຕ່າງປະເທດ ຫວຽດນາມ ສົມທົບກັບໂຄງການພັດທະນາ ສປຊ (UNDP) ແລະ ອົງການຮ່ວມມືສາກົນ ສ ເກົາຫຼີ (KOICA) ຈັດກອງປະຊຸມສຳມະນາພາກພື້ນດ້ວຍຫົວຂໍ້ “ແກ້ໄຂຜົນຮ້າຍຢ້ອນຫຼັງຈາກລູກລະເບີດ ເພື່ອສັນຕິພາບ ແລະ ການພັດທະນາແບບຍືນຍົງ: ແບ່ງປັນບົດຮຽນພາກພື້ນ ແລະ ບັນດາຄວາມກ້າວໜ້າສາກົນໃນຂົງເຂດແກ້ໄຂຜົນຮ້າຍຢ້ອນຫຼັງຈາກລູກລະເບີດ”. ກ່າວຄຳເຫັນທີ່ກອງປະຊຸມສຳມະນາ, ທ່ານຮອງລັດຖະມົນຕີກະຊວງການຕ່າງປະເທດ ຫວຽດນາມ ໂດ໋ຮູ່ງຫວຽດ, ເນັ້ນໜັກວ່າ: ຫວຽດນາມ ມີ 1/5 ເນື້ອທີ່ດິນ (ປະມານ 5,6 ລ້ານ ເຮັກຕາ) ທີ່ຍັງມີລູກລະເບີດ ແລະ ວັດຖຸລະເບີດຕົກຄ້າງພາຍຫຼັງສົງຄາມ. ຍ້ອນເຫດນັ້ນ, ການແກ້ໄຂຜົນຮ້າຍຢ້ອນຫຼັງຈາກລູກລະເບີດສືບຕໍ່ແມ່ນຄວາມຮຽກຮ້ອງທີ່ຈຳເປັນ ແລະ ແມ່ນສ່ວນໜຶ່ງທີ່ຂາດບໍ່ໄດ້ໃນວິວັດທະນາການສັງລວມ ແລະ ຟື້ນຟູ, ສ້າງຕັ້ງຄືນໃໝ່ຫຼັງການປະທະກັນ, ສ້າງສັນຕິພາບ, ຫັນບັນດາເປົ້າໝາຍພັດທະນາແບບຍືນຍົງ (SDGs) ໃຫ້ປະກົດຜົນເປັນຈິງ. ນີ້ແມ່ນນະໂຍບາຍ, ທັດສະທະສະເໝີຕົ້ນສະເໝີປາຍ, ແມ່ນສານທີ່ເຂັ້ມແຂງເຊິ່ງ ຫວຽດນາມ ຍາມໃດກໍ່ຊຸກຍູ້ໃນລະດັບທົ່ວໂລກ ແລະ ຜັນຂະຫຍາຍໃນຕົວຈິງຢູ່ ຫວຽດນາມ.