ທ່ານນາຍົກລັດຖະມົນຕີ ຫງວຽນຊວນຟຸກ ກວດກາວຽກງານກະກຽມໃຫ້ກອງປະຊຸມສຸດ ຍອດ GMS 6 ແລະ ກອງປະຊຸມສຸດຍອດ CLV10

ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ມີບົດຂຽນດ້ວຍຫົວຂໍ້ວ່າ “ແມ່ຂອງ: ແມ່ນ້ຳແຫ່ງການຮ່ວມມື ແລະ ພັດທະນາ”.

        ໃນບົດຂຽນ, ທ່ານນາຍົກລັດຖະມົນຕີ ຫງວຽນຊວນຟຸກ ຢືນຢັນວ່າ ນັບແຕ່ເມື່ອສ້າງຕັ້ງມາຮອດປະຈຸບັນ, ບັນດາກົນໄກຮ່ວມມືແມ່ຂອງ ໄດ້ມີບັນດາການປະກອບສ່ວນສຳຄັນສຳລັບການພັດທະນາຂອງພາກພື້ນ. ບັນດາຂອບເຂດການຮ່ວມມືແມ່ຂອງ ແມ່ນເວທີປາໄສເພື່ອໃຫ້ບັນດາປະເທດໃນພາກພື້ນແມ່ຂອງປັບປຸງຄວາມໄວ້ເນືື້ອເຊື່ອໃຈ, ເພີ່ມທະວີການເຈລະຈາ. ພ້ອມກັນນັ້ນ, ບັນດາກົນໄກຮ່ວມມືແມ່ຂອງ ກໍ່ປະກອບສ່ວນຢ່າງແທດຈິງໃຫ້ການເຊື່ອມຕໍ່ໃນພາກພື້ນ, ຊຸກຍູ້ວິວັດທະນາການຮ່ວມສຳພັນດ້ານເສດຖະກິດຂອງບັນດາປະເທດແມ່ຂອງ, ຮັດແຄບຊ່ອງຫວ່າງການພັດທະນາ ແລະ ຍົກສູງຄຸນນະພາບດ້ານຊີວິດການເປັນຢູ່ຂອງປະຊາຊົນ.

        ທ່ານນາຍົກລັດຖະມົນຕີເນັ້ນໜັກວ່າ ໃນແຜນສັງລວມ, ພາກພື້ນແມ່ຂອງແມ່ນ “ພາກພື້ນຄວາມໝັ້ນຄົງ ແລະ ພັດທະນາ” ໂດຍກົງຂອງ ຫວຽດນາມ ແລະ ການຮ່ວມມືແມ່ຂອງໄດ້ຜັນຂະຫຍາຍຢູ່ ຫວຽດນາມ ເຊິ່ງນຳໃຫ້ຜົນປະໂຫຍດລະອຽດຫລາຍຢ່າງ.

        ທ່ານນາຍົກລັດຖະມົນຕີ ຫງວຽນຊວນຟຸກ ຢັ້ງຢືນວ່າ: ຫວຽດນາມ ໄດ້ ແລະ ພວມເຂົ້າຮ່ວມຢ່າງເປັນເຈົ້າການ ແລະ ຕັ້ງໜ້າເຂົ້າໃນທຸກຂອບເຂດການຮ່ວມມືແມ່ຂອງ, ພ້ອມກັບບັນດາສະມາຊິກສ້າງກົນໄກເຮັດວຽກຢ່າງມີປະສິດທິຜົນ, ເສີມຂະຫຍາຍທ່າແຮງຂອງບັນດາຝ່າຍເຂົ້າຮ່ວມ ແລະ ຕອບສະໜອງຄວາມຕ້ອງການພັດທະນາຂອງພາກພື້ນ. ພ້ອມກັນນັ້ນ, ໃນການຮ່ວມມືເຂດສາມຫຼ່ຽມພັດທະນາ CLV, ຫວຽດນາມ ກໍ່ໄດ້ມີບັນດາການປະກອບສ່ວນຢ່າງແທດຈິງ ແລະ ມີປະສິດທິຜົນ.