ແອັດສະປາຍ, ຝລັ່ງ ເຫັນດີ ປົກປ້ອງຂະແຫນງອຸດສາຫະກຳ ເອີລົບ
(VOVWORLD) -ວັນທີ 19 ມັງກອນ, ທ່ານ Pedro Sanchez, ນາຍົກລັດຖະມົນຕີ ແອດສະປາຍ ຖືວ່າ ບັນດາຄວາມມານະພະຍາຍາມຂອງ ອາເມລິກາ ເພື່ອແນໃສ່ຊຸກຍູ້ເຕັກໂນໂລຊີຂຽວ ບໍ່ໝາຍຄວາມວ່າກໍ່ຄວາມເສຍຫາຍຕໍ່ຂະແຫນງອຸດສາຫະກຳຂອງ ເອີລົບ.
 ປະທານາທິບໍດີ Emmanuel Macron ແລະ ທ່ານນາຍົກລັດຖະມົນຕີ ແອດສະປາຍ Pedro Sánchez ຢູ່ Barcelona ໃນວັນທີ 19/1. (ພາບ:AP) |
ຄຳປາໄສດັ່ງກ່າວໂດຍແມ່ນທ່ານນາຍົກລັດຖະມົນຕີ Pedro Sanchez ຍົກອອກມາໃນການຖະແຫລງຂ່າວຢ່າງເປັນທາງການ ພາຍຫລັງເຊັນສົນທິສັນຍາສອງຝ່າຍສະບັບໃຫມ່ ກັບ ປະທານາທິບໍດີ ຝລັ່ງ Emmanuel Macron ຢູ່ ນະຄອນ Barcelona , ປະເທດ ແອດສະປາຍ. ການປຶກສາຫາລືກ່ຽວກັບນະໂຍບາຍອຸດສາຫະກຳ ລະຫວ່າງ ແອດສະປາຍ ແລະ ຝລັ່ງ ດຳເນີນໃນສະພາບການ ສະຫະພາບເອີລົບ ພວມໂຕ້ຖຽງກັນກ່ຽວກັບວິທີໂຕ້ຕອບກັບບັນດາມາດຕະການຫນູນຊ່ວຍຂອງລັດຖະບານ ຕາມກົດໝາຍວ່າດ້ວຍການຫລຸດຜ່ອນໄພເງິນເຟີ້ (IRA) ຂອງ ອາເມລິກາ.