ເດີນທາງໄປຮອດແຂວງກວາງງາຍ
(ພາບ:baoquanngai.com.vn)
(vovworld) - ພິທີສະຫລຸບໂຄງການວັດທະນະທຳເພື່ອການກຸສົນ “ຮ່ວມເດີນທາງກັບຜູ້ປະສົບເຄາະຮ້າຍຈາກທາດພິດສີສົ້ມມິດຕະພາບຫວຽດນາມ-ສເກົາຫຼີ“ ໄດ້ດຳເນີນໃນຕອນບ່າຍວັນທີ 26/11 ຢູ່ຮ່າໂນ້ຍ ໂດຍມີການເຂົ້າຮ່ວມຂອງບັນດາຜູ້ປະສົບເຄາະຮ້າຍຈາກທາດພິສີສົ້ມ, ນັກຮ້ອງ, ນັກກິລາ….. ລວມທັງໝົດ 90 ຄົນຊື່ງຖີບລົດຖີບໃນເວລາ 26 ວັນໃນໄລຍະທາງຍາວ 1750 ກມ ລຽບຕາມເສັ້ນທາງຫຼວງ 1A ຜ່ານ 19 ແຂວງ, ນະຄອນຂອງຫວຽດນາມ. ການເດີນທາງໄດ້ສະແດງໃຫ້ເຫັນເຈດຈຳນົງ, ມານະຈິດບືນຕົວຂຶ້ນຂອງບັນດານັກກິລາ, ພິເສດແມ່ນຜູ້ປະສົບເຄາະຮ້າຍຈາກທາດພິສີສົ້ມ. ພ້ອມກັນນັ້ນກໍ່ແມ່ນໂອກາດເພື່ອໃຫ້ບັນດານັກກິລາຫວຽດນາມ-ສເກົາຫຼີ ສາມາດພົບປະແລກປ່ຽນ, ຮ່ຳຮຽນ ແລະ ແບ່ງປັນ, ຮຽງບ່າຮຽງໄລ່ຜ່ານຜ່າຄວາມທຸກຍາກ. ກ່າວຄຳເຫັນນະທີ່ນີ້, ທ່ານຮອງນາຍົກລັດຖະມົນຕີຫງວຽນທ້ຽນເຍີນ ຢືນຢັນວ່າ: ນີ້ແມ່ນການເຄື່ອນໄຫວທີ່ມີຄວາມໝາຍດ້ານການເມືອງ, ສັງຄົມ, ວັດທະນະທຳ, ການພົວພັນກັບຕ່າງປະເທດເນື່ອງໃນໂອກາດສະເຫຼີມສະຫຼອງ 20 ປີແຫ່ງການສ້າງຕັ້ງສາຍພົວພັນທາງການທູດລະຫວ່າງຫວຽດນາມ-ສເກົາຫຼີ:
“ການຖີບລົດຖີບຜ່ານເສັ້ນທາງກ່ວາ 1700 ກມບໍ່ແມ່ນເລື່ອງງາຍສຳລັບຄົນປົກກະຕິ, ໂດຍສະເພາະແມ່ນສຳລັບສຸຂະພາບຂອງຜູ້ປະສົບເຄາະຮ້າຍຈາກທາດພິດສີສົ້ມ. ຜູ້ປະສົບເຄາະຮ້າຍໄດ້ຕັດສິນໃຈບືນຕົວຂຶ້ນ, ພ້ອມກັບຄະນະມາຮອດຫຼັກໄຊ. ໂຄງການຮ່ວມເດີນທາງກັບຜູ້ປະສົບເຄາະຮ້າຍຈາກທາດພິດສີສົ້ມມິດຕະພາບຫວຽດນາມ-ສເກົາຫຼີ ໄດ້ປະສົບຜົນສຳເລັດຢ່າງຈົບງາມ ຊື່ງສະແດງໃຫ້ເຫັນກຳລັງແຮງຂອງນ້ຳໃຈສາມັກຄີ, ຮ່ວມແຮງຮ່ວມໃຈຂອງປະຊາຊົນຫວຽດນາມ ແລະ ປະຊາຊົນສເກົາຫຼີ“