ນີ້ແມ່ນຄຳກ່າວປາໄສເປີດສາກຂອງທ່ານເອກອັກຄະລັດຖະທູດຫວຽດນາມ ປະຈຳອິນເດຍ ຟ້າມແຊງເຈົາ, ໃນລາຍການໂຄສະນາການທ່ອງທ່ຽວຫວຽດນາມ ເຖິງເພື່ອນມິດສາກົນ, ເຊິ່ງດຳເນີນຢູ່ນະຄອນ Mumbai, ລັດ Maharashtra, ໃນວັນທີ 13 ທັນວາ. ຕາມທ່ານເອກອັກຄະລັດຖະທູດ ຟ້າມແຊງເຈົາ ແລ້ວ, ນັກທ່ອງທ່ຽວອາດຈະຊອກເຫັນຂີດໝາຍວັດທະນະທຳອິນເດຍ ຢູ່ບັນດາຫໍບູຊາເກົ່າແກ່ Hindu ຢູ່ນະຄອນໂຮ່ຈິມິນ ຫຼື ເຂດດິນແດນສັກສິດ ມີ້ເຊີນ (ແຂວງກວາງນາມ), ກໍຄືຮ້ານອາຫານອິນເດຍ ຫຼາຍຮ້ານ. ທ່ານເອກອັກຄະລັດຖະທູດເນັ້ນໜັກວ່າ, ຫວຽດນາມ ມີຮູບແບບການບໍລິການຢ່າງຄົບຊຸດເພື່ອສາມາດຕອບສະໜອງຄວາມຕ້ອງການຂອງນັກທ່ອງທ່ຽວຕ່າງປະເທດ ແລະ ເຊື້ອເຊີນບັນດານັກທ່ອງທ່ຽວອິນໂດຍ, ບັນດານັກບໍລິຫານດ້ານການທ່ອງທ່ຽວ ແລະ ບໍລິສັດທ່ອງທ່ຽວເຂົ້າຮ່ວມການສົ່ງເສີມດ້ານການທ່ອງທ່ຽວ ແລະ ເປີດກວ້າງການເຄື່ອນໄຫວດຳເນີນທຸລະກິດດ້ານການທ່ອງທ່ຽວຢູ່ຫວຽດນາມ.