ຊຸດຝຶກອົບຮົມກ່ຽວກັບຄວາມຮູ້ດ້ານກົດໝາຍ
ໃຫ້ແກ່ບັນດາຜູ້ແທນເຊິ່ງແມ່ນຜູ້ມີຍົດຖາບັນດາສັກ
(ພາບ: tuyengiao.soctrang.gov.vn)
(vovworld) - ວັນທີ 12/06, ຄະນະໂຄສະນາສຶກສາຄະນະພັກແຂວງ ຊອກຈັງ ສົມທົບກັບຄະນະປະຈຳຄະນະກຳມະການແນວໂຮມປະເທດຊາດຫວຽດນາມ ແຂວງຊອກຈັງ ແລະ ຄະນະກຳມະການແນວໂຮມປະເທດຊາດຫວຽດນາມເມືອງ ເຈີນເດ່ ຈັດຕັ້ງຊຸດຝຶກອົບຮົມກ່ຽວກັບຄວາມຮູ້ດ້ານກົດໝາຍໃຫ້ແກ່ບັນດາຜູ້ແທນເຊິ່ງແມ່ນຜູ້ມີຍົດຖາບັນດາສັກ, ກຳລັງຫຼັກແຫຼ່ງຂອງສາສະໜາ, ຜູ້ທີ່ມີອິດທິຜົນຊື່ສຽງຊາວຊົນເຜົ່າສ່ອນໜ້ອຍໃນບໍລິເວນເມືອງ. ຊຸດຝຶກອົບຮົມສຸມໃສ່ 2 ເນື້ອໃນຄື: ຕ້ານກົນອຸບາຍສັນຕິພາບຂອງບັນດາອິດທິກຳລັງທີ່ເປັນປໍລະປັກໃນປະຊາຄົມຊົນເຜົ່າສ່ວນໜ້ອຍ, ສາສະໜາ; ສ້າງ ແລະ ເສີມຂະຫຍາຍບົດບາດຂອງຜູ້ທີ່ມີອິດທິຜົນຊື່ສຽງຊາວຊົນເຜົ່າສ່ວນໜ້ອຍ. ຊຸດຝຶກອົບຮົມແມ່ນເພື່ອແນໃສ່ປະກອບຄວາມຮູ້, ຄວາມເຂົ້າໃຈກ່ຽວກັບດ້ານກົດໝາຍໃຫ້ບັນດາຜູ້ແທນ, ຈາກນັ້ນສາມາດນຳໃຊ້ໂຄສະນາໃຫ້ແກ່ວົງຄະນະຍາດຊາວຊົນເຜົ່າສ່ວນໜ້ອຍ, ສາສະໜາ ເພື່ອປະຕິບັດຕາມແນວທາງຂອງພັກ, ນະໂຍບາຍ, ກົດໝາຍຂອງລັດ, ລະມັດລະວັງຕໍ່ບັນດາກົນອຸບາຍ ແລະ ເລລ່ຽມຕ້ານທຳລາຍຂອງບັນດາອິດທິກຳລັງທີ່ເປັນປໍລະປັກ ເພື່ອແນໃສ່ປຸກລຸກແບ່ງແຍກກຸ່ມກ້ອນສາມັກຄີທົ່ວປວງຊົນທັງຊາດ.