ກອງປະຊຸມສຳມະນາແນະນຳ ກ່ຽວກັບວັດທະນະທຳ ແລະ ການທ່ອງທ່ຽວຫວຽດນາມ ຢູ່ ນະຄອນຫຼວງ ກົວລາລຳເປີ (ພາບ: Hằng Linh/TTXVN)

ວັນທີ 28 ກັນຍາ, ສະຖານທູດ ຫວຽດນາມ ປະຈຳ ມາເລເຊຍ ໄດ້ສົມທົບກັບ ສະຫະສະມາຄົມການທ່ອງທ່ຽວ ມາເລເຊຍ (MATTA) ແລະ ເວທີການແລກປ່ຽນການທ່ອງທ່ຽວ ຫວຽດນາມ (VNTE) ຈັດຕັ້ງກອງປະຊຸມສຳມະນາແນະນຳ ກ່ຽວກັບວັດທະນະທຳ ແລະ ການທ່ອງທ່ຽວຫວຽດນາມ ຢູ່ ນະຄອນຫຼວງ ກົວລາລຳເປີ. ຢູ່ນີ້, ທ່ານ ເອກອັກຄະລັດຖະທູດ ເຈິນ ຫວຽດ ຖ້າຍ ໄດ້ເນັ້ນໜັກວ່າ ກອງປະຊຸມບໍ່ພຽງແຕ່ແນະນຳວັດທະນະທຳ, ປະເທດຊາດ ແລະ ຊາວຫວຽດນາມເທົ່ານັ້ນ, ແຕ່ຍັງແບ່ງບປັນຂໍ້ມູນຂ່າວສານອັບເດດກ່ຽວກັບລະບຽບຂັ້ນຕອນການເຂົ້າປະເທດຫວຽດນາມນໍອີກ, ແນໃສ່ດຶງດູດຊາວຕ່າງປະເທດເວົ້າລວມ ແລະ ຄົນມາເລເຊຍເວົ້າສະເພາະ ເຂົ້າມາຢ້ຽມຢາມ ຫວຽດນາມ. ພິເສດ, ເຫດການນີ້ກໍ່ແມ່ນໂອກາດເພື່ອໃຫ້ວິສາຫະກິດສອງປະເທດໄດ້ເຊື່ອມຕໍ່ ແລະ ລົງນາມບັນດາສັນຍາການຮ່ວມມືຕ່າງໆກ່ຽວກັບການທ່ອງທ່ຽວໃນອະນາຄົດ, ຍ້ອນແນວນັ້ນ  ຈິ່ງຊ່ວຍຟື້ນຟູຂະແໜງທ່ອງທ່ຽວ ຂອງສອງປະເທດ ແລະ ຮັດແໜ້ນການພົວພັນອັນດີງາມຂອງຫວຽດນາມ-ມາເລເຊຍ ຂຶ້ນກວ່າເກົ່າ.

        ທ່ານນາງ ຮອງປະທານ MATTA Cynthia Tan ປາດຖະໜາວ່າ ພ້ອມກັບການຕົກລົງ ເປີດສາຍການບິນ ກົວລາລຳເປີ-ດານັ່ງນັ້ນ, ເຊິ່ງຈຳນວນນັກທ່ອງທ່ຽວຈາກ ມາເລເຊຍ ເຂົ້າມາ ຫຽດນາມ ຈະນັບມື້ນັບຫຼາຍຂຶ້ນ. ທ່ານນາງ ໄດ້ຢືນຢັນໃນໄລຍະຈະມາເຖິງ, MATTA ຈະສົ່ງເສີມການຂຸດຄົ້ນຕະຫຼາດການທ່ອງທ່ຽວ ຫວຽດນາມ ຢ່າງມີປະສິດທິຜົນ ຜ່ານບັນດາຜູ້ຈຳໜ່າຍຂອງ MATTA ທີ່ມີໜ້າຢູ່ 13 ລັດ ຂອງມາເລເຊຍ.